Latest Videos

Duqii Magaalada Nairobi oo xabsiga la...

Duqa magaalada Nairobi Mike Mbuvi Sonko ayaa xabsiga loo taxaabay ka dib markii uu dacwad oogaha guud ee Kenya soo saaray warqad lagu soo xiray.
Booliska ayaa siyaasigan kasoo qabtay magaalada Voi, halkaasoo uu booqasho ku joogay.
Nuuradiin Xaaji oo ah Dacwad oogaha guud ayaa sheegay in Mr Sonko su’aalo laga weydiin doono halka ay ku maqan tahay lacag badan oo qeyb ka ahayd dhaqaalihii loogu talagalay ismaamulka Nairobi, isagoo intaas ku daray in xafiiskiisa uu hayo caddeymo ku filan.
Xaaji ayaa dhanka kale booliska amar ku siiyay inay ka hor tagaan wax walba oo caqabad ku noqon kara baaritaanna la xiriira arrintan.
Sonko ayaa su’aalo laga weydiin doonaa lunsashada lacag gaareysa Sh 357 million, oo ka mid ah dhaqaalaha ismaamulka, lacagtaasoo la waayey meel ay ka baxday mudadii uu xilka hayey Sonko.
Related
Previous articleDibed-bax ay ka qeyb qaateen boqolaal qof oo ka dhacay degmada Guriceel
Ololaha Tayeynta Waxbarashada Asaasiga...
[war kale ma leh]Wasiirka Wasaarada Waxbarashada Iyo Tacliinta Sare Ee Dowladda Puntland ayaa Dalka Marekanka uga qayb galay daah furka mashruuc lagu tayeynayo waxbarashada puntland,Mashruucan oo lagu magacaabo IFIYE …
Yaa Diidan Nidaamka Federaalka?

6th December 2019  admin  Category :
Wareeysi uu bixiyey Ca/welli Gaas, ayaa lagu weeydiiyey arrimo badan oo ku aadan intii uu ra’iisal wasaaraha ka soo ahaa dalka, madaxweeynaha Puntland, khillaafka dawladda iyo maamul goboleedyada, doorasho qof iyo cod ah ineey ka dhici karto dalka iyo in kalle iyo welliba nidaamka federaalka oo ay qaateen dadka Soomaaliyeed dhibkiisa iyo faa’iidadiisa.
[embedded content]
Buuq ka dhashay hadal uu jeediyey C/...

Buuq ayaa ka dhashay hadal uu dhowaan jeediyey siyaasiga Cabdiraxmaan Cabdishakuur kaasi oo ku jiray muuqaal uu bartiisa facebook soo dhigay 1-dii bishan December.
Cabdiraxmaan Cabdishakuur ayaa isaga oo ka hadlaya xuquuqda haweenka sheegay – waa sida uu hadalka u dhigaye – in dad badan oo culimada ka mid ah ay jeebka kala soo baxaan “xadiisyo faalso ah” markii ay rabaan inay dumarka xaqiraan.
Haddaba hadalkaasi ayaa culimada qaarkood ay ka fal-celiyeen iyagoo sheegay inuu gaf ku yahay xadiis saxiix ah. Warbixintan waxaa noo diyaariyey Nuur Xasan Nuur Bukhaari.
Muran ka dhashay hadal uu jeediyey C/...
Download Audio
Taliska AFRICOM oo ka hadlay howl-galka...
Download Audio
Barasaabka Nairobi oo musuq-maasuuq loo...

Ciidamada la dagaalanka musuq maasuqa ee dowladda Kenya ayaa maanta xiray gudoomiyaha Ismaamulka magaalada Nairobi, Mike Sonko.
Sonko ayaa lagu eedeeyay inuu musuq-maasuqay lacag gaareysa 357 milyan shillinka Kenyan ah.
Sonko oo markii la xirayey lagala degay tareen ayaa la filayaa in gelinka dambe ee maanta maxkamad lasoo taago.
Warkan waxaa magaalada Nairobi kasoo diray Wariyaha VOA Khadar Maxamuud Xareed.
Roobab dabeylo wata oo ka billowday...

Deegaanada xeebaha bari ee Punland ee Soomaaliya ayaa xalay ilaa iyo saakay waxaa laga soo sheegayaa roobab dabeylo iyo daadad wata oo maalmahan laga sii digayay.
Roobabkan ayaa imanaya ayada oo ugu yaraan 280 qof ay ku dhintay roobab xooggan oo daadad dhaliyay oo ka da’ayay bilihii u dambeeyay dalalaka Bariga Africa.
Sida ay sheegtay Qaramada Midoobay roobabkan ayaa dhinaca kale saameeyay in ku dhow saddex milyan oo qof. Hadalkan Qarmaada Midoobay ayaa ku soo beegmaya iyadoo weli roobabku ay sii socdaan.
Maxamed Colaad Xassan ayaa Khadka Taleefanka kula xiriiray Cumar Maxamud Cumar Qariib oo ka mid ah ganacsatada iyo kaluumeysatda gobolka Bari wuxuuna weydiiyay halka uu ku suganyahay.
Dhageyso Wareysiga Dr. Dufle ee Dalqo...
Download Audio
Saalada Jimcaha Kadib Banaanbax Xoogan...

Wararka laga helayo degmada Guriceel ee GobolkaGalgaduud ayaa waxaa ay sheegayaan in dad taagersan hoggaanka Ahlusunna Wal-Jamaaca ay halkaasi kadhigeen banaanbax nabadeed.
Banaanbaxa ayaa waxaa ay ku taageerayaan mowqifka hoggaanka Ahlusunna ee dhismaha Galmudug,waxaana banaanbaxaas uu bilaawday,kadib markii laga soo baxay Salaadii Jimcaha,iyaga oo dadka dhigaya ay wateen Sawirada hoggaanka Ahlusunna.
Ciidamada ammaanka ayaa sheeda ka ilaalinayay Banaanbaxa waxaana Bulshada qeybaheeda kala duwan la sheegay inay si nabad ah uga qeyb qaadanayeen banaanbaxa.Qaar kamid ah dadka ka qeyb galay banaanbaxa oo Culimo u badnaa ayaa waxaa ay Dowladda Soomaaliya ugu baaqeen in la dhowro wadajirka Bulshada reer Galmudug,isla markaana Dowladda ay fuliso heshiiskii ay la gashay Ahlusunna.    
Untitled Document
Ka dhageyso Muxaadaro cusub TEL 001 6057813292
MUXAADARO CUSUB Live UK TEL 03306060934
Fadlan Hadii aad u baahantahay Macluumaad dheeraad ah naga la soo Xiriira. Email: dayniilewb@gmail.com TEL 00252618895064
Duqa Magaalada Nairobi oo Xabsiga Loo...

Duqa magaalada Nairobi Mike Mbuvi Sonko ayaa xabsiga loo taxaabay ka dib markii uu dacwad oogaha guud ee Kenya soo saaray warqad lagu soo xiray.
Booliska ayaa siyaasigan kasoo qabtay magaalada Voi, halkaasoo uu booqasho ku joogay.
Dacwad oogaha guud, Nuuradiin Xaaji ayaa sheegay in Mr Sonko su’aalo laga weydiin doono halka ay ku maqan tahay lacag badan oo qeyb ka ahayd dhaqaalihii loogu talagalay ismaamulka Nairobi.
Wuxuu sidoo kale sheegay in xafiiskiisa uu hayo caddeymo ku filan.
Xaaji ayaa dhanka kale booliska amar ku siiyay inay ka hor tagaan wax walba oo caqabad ku noqon kara baaritaanna la xiriira arrintan.
Untitled Document
Ka dhageyso Muxaadaro cusub TEL 001 6057813292
MUXAADARO CUSUB Live UK TEL 03306060934
Fadlan Hadii aad u baahantahay Macluumaad dheeraad ah naga la soo Xiriira. Email: dayniilewb@gmail.com TEL 00252618895064
Taliye ku-xigeenka AFRCOM oo ka hadlay...
Download Audio
Ninka aadka u gaaban ee guusha ka...
[war kale ma leh]Kubadda kolayga waxaa inta badan ciyaara ama guulo ka gaara dadka dhaadheer.
Saynab: Dilal dhowr ah ayaan ka...

Saynab Maxamed Warsame, waa Guddoomiyaha Degmada Warta-nabadda ee Muqdisho, waxay mar dhow un ka badbaadday weerar lagu qaaday xaafiska duqa magaalda ee Muqdisho 24-kii bisha Luuliyo. Weerarkaasi waxaa ku dhintay dad badan oo saaxiibbo dhow ay ahayeen, waxaana dadkaasi ka mid ahaa duqii hore ee magaalada Muqdisho injneer Cabdiraxman Cumar Yariisow.Saynab Xaabsey oo BBC-da uga warrantay wixii dhacay maalintii weerarka lagu soo qaaday ayaa sheegtay in maalinta ay ugu bilaabatay subax qurux badan oo ay u diyaar garoobayeen soo dhoweynta wakiilka Qaramada Midoobaday u qaabilsan Soomaaliya, James Swan.''Diyaar garowgii kaddib, aniga, guddoomiyaha iyo asxaab kale oo aan isla shaqeeynaynay waxaan aadnay meel qado nalooga diyaariyay, kaddibna waan soo laabannay, waxaana galnay shirkii toddobaadlaha ahaa ee aan galno Arbaco walba''.Waxay ku beegneyd 4-tii galabnimo iyo 27 daqiiqo, markii uu qaraxu dhacay sida ay noo sheegtay Saynab Maxamed Warsame. 'Waxaan dareennay inuu wax dhacay, laakiin maanan garaneynin wuxuu ahaa, muddo 20 daqiiqo ah ayaan suuxsanaa, waxaan dhaqaajin waayay dhammaan xubnaha jirkeyga, waxba waan ka arki wayay indhaha, markii dambena waxaan ka war helay anigoo cisbtaalka jiifo''.Saynab waxay sheegtay in weerarkaasi ay ku wayday saaxiibbadeeda badankood, kuwii ay isla cuni jireen cuntada, maalinta inteeda badanna ay isla qaadan jireen. 'Run ahaantii guddoomiyeyaal habeenkii dhan aad wada shaqeyneyseen, saaxiibbo aad muddo badan ahaydeen, qadadii aad isla soo cunteen, dhammaan intii aaggeyga fadhiday, kuwii iga soo horjeeday, kuwii agteyda fadhiyay, dhammaantood wey dhinteen, alxamdulillaah aniga Ilaahay ayaa ii qaddaray inaan noolaado''.
Seynab waxay BBC-da u sheegtay in dadka ay inta badan ku yiraahdaan 'sidee dooneysaa inaad ku sii shaqeyso adigoo dhawac ba'an ku soo gaaray. Balse waxay sheegtay inaysan dhageysan dadkaasi hadalkooda.''Qof walba wuxuu ku leeyahay shaqadan sideed ku bilaabeysaa, adigoo culeyskaas ku soo gaaray, laakiin aniga marna ma noqon doono qof ay dhibaatooyinkaas saameeyaan, waayo waxaan ku soo barbaaray xaaldaahas adag, diyaarna waxaan u ahay inaan dalkeyga u sii shaqeeyo''.Saynab waxay sheegtay in saddex jeer la soo weeraray welina ay diyaar u tahay inay dhabarka u dhigato dhibaatooyinkaasoo dhan. ''Waa tiradii saddexaad oo ay cadowga i soo weerarayaan, 2013-kii ayey ahayd markii ay doonayeen inay i dilaan, laakiin Ilaahay ayaa iga badbaadiyay, sanadkan dhaxiisa bishii May, waxay soo weerareen xafiiska degmada, qaar ka mid ah shaqaalaha ayaa wax soo gaaray laakiin alxamdulillaah waan ka badbaadnay, waddankan wuxuu u baahan yahay inaan nafteenna u hurno''.Dadka qaar ayaa aaminsan in Soomaaliya khatarta ka jirta aysan u bareeri karin qof dumar ah, balse Saynab waxay sheegtay in dadkaasi ay doonayaan inay niyad jabiyaan laakiin aysan ka yeeli doonin.
Saynab oo indhaheeda ay ilmada soo buux dhaafisay, ayaa sheegtay in dhaawicii ka soo gaaray weerarkii bishii Luuliyo dhacay uu jirkeeda wax gaarsiiyay, laakiin waxay aaminsantahay in noolasheeda ay u hureyso dalkeeda.''Anigoo qalliin ka soo baxay ayaa la ii sheegay in duqa magaalada uu dhintay, aad ayaan u naxay, balse hadda qalbigeyga waa uu samray, wax yar oo dhaawac ah oo jirka iga gaaray maahee, taasina ima niyad jabin doonto, waayo saaxiibbaheygii an wada shaqeyneynay waxay u dhinteen ayaa meesha ka baxeysa haddaan aniga niyad jabo''. Sanadkan Soomaaliya waxaa ku dhintay dad badan oo ay ka mid yihiin dad bulshada magac ku lahaa, waxaa dadkaasi ka mid ah, Hodan Naleyeh oo ahayd weriye Soomaali ah oo Canada ka timid, iyo Almas Elman oo ka shaqeyneysay arrimaha bani`aadannimada ayaa labadooduba la dilay iyagoo xaamilo ah.
Xaqiiqooyin cajiib ah oo ku saabsan...

Ciidamada booliska ee Kenya ayaa maanta xabsiga u taxaabay Barasaabka magaalada Nairobi, Mike Sonko, oo ka mid ah siyaasiyiinta xilalka sar sare ka haya waddanka.Xariggiisa ayaa yimid saacado ka dib markii uu Dacwad oogaha guud ee dalka Kenya, Nuuradiin Xaaji soo saaray warqad booliska ku amreysa inay soo xiraan Mike Mbuvi Sonko, si wax looga weydiiyo lacago ka mid ah dhaqaalihii ismaamulka uu hoggaanka u hayo. lacag gaareysa Sh357 milyan oo shilinka kenya ah(oo u dhiganta in ka badan $3.5 milyan oo doolar) ayaa la la'yahay.Laakiin ma ogtahay in Sonko uu si weyn uga duwan yahay siyaasiyiinta kale ee Kenya, ayna jiraan xaqiiqooyin cajiib ah oo isaga si gaar ah ugu saabsan?Ka hor inta aan Mike Sonko loo dooranin inuu noqdo duqa magaalada Nairobi, wuxuu ahaa xubin ka mid ah aqalka odayaasha ee Senate-ka Kenya, isagoo matalayay ismaamulka Nairobi intii u dhaxeysay sanadihii 2013-kii ilaa 2017-kii.Siyaasigan waxaa lagu tiriyaa inuu ka mid yahay shakhsiyaadka ugu hantida badan dalka Kenya, wuxuuna magaciisu safka hore ee wararka ku jiray muddo dheer.1- Labiskiisa qaaliga ahWaxyaabaha aad loogu yaqaanno Sonko waxaa ka mid ah inuu mar walba ku labisto dhar soo jiidasho leh, oo dadka qaarkiisna ay u arkaan kuwo maad leh, laakiin isagu uu xarrago ahaan ka dhigto.
Xilligii uu ka tirsanaa aqalka baarlamaanka, gaar ahaan golaha Senate-ka, waxaa jirtay mar lagu dhaliilay nooca labiska uu uga qeyb gali jiray kalfadhiyada, maadaama uu aad uga duwanaa mudaneyaasha kale. Hase yeeshee taageerayaashiisa ayaa si joogto ah u muujiya inay la dhacsan yihiin hab-labiskiisa, iyagoo ugu yeera qaabka loo yaqaanno "Hip-Hop Style".Sidoo kale siyaasigan ayaa la sheegaa inuu aad diiradda u saaro habka jarashada timaha, kaasoo uu marba qaab ka dhigto.Siyaasi caan ah oo qirtay in uu tuug ahaan jiray!
Siyaasi reer Kenya ah oo Facebook soo fariistay isagoo qayilaya
Labisyada kale ee Sonko waxaa ka mid ah dhagaha, faraantiyada, silsiladaha qoorta lagu xirto iyo okiyaaleyaasha loogu talagalay qorraxda, kuwaasoo mar walba si joogto ah loogu arko.Siyaasigan aftahanka ah ayaa sheegay inuu labiskiisa cajiibka ah uga dan leeyahay inuu ugu adeego dhalinyarada jiilka cusub ah.2-Codka dheer ee ku aaddan la dagaallanka musuqmaasuqaTan iyo markii uu Sonko la wareegay xilka duqa magaalada Nairobi, wuxuu marar badan warbaahinta iyo baraha bulshada uga hadlay howlgallo uu fuliyay oo la xiriira dhinaca la dagaallanka Musuqmaasuqa iyo caddeymo uu helay oo uu soo bandhigay.Wuxuu si toos ah u magacaabaa siyaasiyiin kale iyo saraakiil uu ku eedeeyo inay wax isdabamarin sameeyaan.Hase yeeshee, sida hadda muuqata, waxaa loo heystaa lacag farabadan oo ka maqan dhaqaalaha ismaamul goboleedka Nairobi ee uu isagu hoggaanka u hayo.Dacwad oogaha guud ee Kenya Nuuradiin Xaaji, oo ah wiilka uu dhalay wasiirkii hore ee gaashaandhigga Kenya Maxamed Yuusuf Xaaji, ayaa sheegay in xafiiskiisa uu gacanta ku hayo caddeymo ku filan eedeymaha musuqmaasuqa ah ee lacagta looga lunsaday maamulka Nairobi.3-Tallaabooyinka uu ku muujiyo u hiillinta dadka danyarta ah
Sonko ayaa marar badan la arkay isagoo u doodaya dadka dakhligoodu uu hooseeyo, kuwaasoo uu 'u dagaallamo' sidii uu ugu soo dhicin lahaa xuquuqdooda uu sheego in la duudsiiyay.Taageerayaashiisa waxaa ka mid ah ganacsatada loo yaqaano waratada, kuwaasoo marar badan uu dooday intii uu xilka hayay iyo ka horba.Sidoo kale wuxuu dhowr jeer warbaahinta kasoo muuqday isagoo la tacaalaya dad uu ku eedeynayay inay si sharci darro ah ku qaadanayeen dhul ay dad danyar ah lahaayeen.Sonko ayaa lagu yaqaannaa inuu si qarsoodi ah ku tago goobaha loogu adeego dadweynaha, sida isbitaallada guud iyo xarumaha kale ee dowladda, wuxuuna mararka qaar tagaa isagoo ay la socdaan ilaalo kooban.4- Noloshiisii hore ee "tuuganimada ahayd"
Ninkan oo ka mid ah siyaasiyiinta ugu magaca dheer dalka Kenya, waxaana soo doortay dad gaaraya illaa 7 milyan oo qof oo ku nool caasimadda Nairobi, balse ma ahan nin ka baqaya in uu ka sheekeeyo wixii uu soo maray. Bishii January ee sanadkan 2019-ka, idaacadda la'iska arko ee Citizen ayuu si toos ah uga sheekeeyay taariikhdii uu soo maray. Sonko oo marti ku ahaa barnaamijka JKL ayaa barnaamijka la yimid waraaqo badan oo muujinaya musuqmaasuq ka socda maamulka Nairobi, iyo saraakiil badan oo uu shaqada ka eryay.Laakiin dhanka kale wuxuu ka sheekeeyay taariikh nololeedkiisa dhinaca musuqmaasuqa iyo waxa uu ugu yeeray "tuugnimo". "Waxaa habboon in aad bulshada runta u sheegto, runtana waxa ay tahay aniga waxaan soo ahaan jiray tuug, dambiile, turuufaale, balse hadda dadka Nairobi oo dhan 7 milyan oo qof ayaa igu aaminay mas'uuliyad, markii aan xildhibaanka noqday (hadda ka hor) ayaan iska dhaafay tuugonimada" ayuu yiri Soko. 5-Xiriirka shacabka ee baraha bulshada
Dad badan oo ka mid ah taageerayaasha Sonko ayaa si toos ah ugala socda bogagga uu ku leeyahay baraha bulshada, sida facebook.Mararka qaar si toos ah ah ayuu toos uga soo muuqdaa isagoo kala sheekeysanaya dadka ku xiran.Mid ka mid ah dhacdooyinka layaabka lahaa waxay ahayd markii uu isagoo toos ugu jira boggiisa Facebook-ga lacago u qeybiyay qaar ka mid ah taageerayaashiisa.Wuxuu xitaa boggaas u adeegsadaa inuu ku baahiyo arrimaha xasaasiga ah ee ay warbaahinta la iska arko ka caga jiidaan.Sonko ayaa hadda wajahaya maxkamadeyn, waxayna sida muuqata dadka reer Kenya isha ku heynayaan sida uu u dhaco kiiska hadda loo xiray.