Latest Videos

Somaliland: Dadka Danyarta ah iyo...

Waxa Magalada Hargiesa lagu qabtay kulan lagu daah furayay hab casriya oo lagu caawinayo dadka danyarta ah ee dhaqaale ahaan ku tiirsan Hayada Care International, kaasi oo ah habka aqoonsiga codka, iyada oo ay fulinayso Shirkada Telesom.
Warkan waxa Hargiesa ka soo diray Khadar Maxamed Cakule.
Dhageyso Adeegga dadka Danyarta ah
Download Audio
Dhageyos Abaaraha Gedo
Download Audio
Abaaro Daran oo ka Jira G. Gedo

Gobolka Gedo ee maamulka Jubbaland waxaa laga soo sheegayaa abaar daran oo saameyn xun ku yeelatay dadka xoolo-dhaqatada ah ee gobolkaasi ku nool.
Xoolaleyda ayaa bilaabay in ay u hayaamaan gobollada Jubada hoose, Jubbada dhexe iyo Shabeellaha hoose, si iyaga iyo duunyadooduba ay biyo iyo baad ay halkaasi uga helaan.
Aadan Kismaayo oo Jubbaland jooga ayaa warbixintan innoo soo diray.
Mooashinka dacwadda Trump:...
36 Daqiiqadood ka horXigashada Sawirka, Getty ImagesJamhuuriyiinta Aqalka Sare ee Mareykanka ayaa ka codsanaya Dimquraaddiyiinta inay ilaa February dib u dhigaan dacwad ku soo oogidda madaxweynihii hore Donald Trump.Waxay ku doodayaan in taas ay waqti dheeraad ah siin doonto Mr Trump si uu is difaacid isugu diyaariyo. Waxaa lagu eedeynayaa kicin, kaddib markii taageerayaashiisa ay bishii la soo dhaafay galeen dhismaha Capitol.Dimuqraaddiyiinta Aqalka Wakiillada ayaa diyaar u ah inay dacwadda ku wareejiyaan Aqalka Sare.Mr Trump ayaa u duulay Florida iyadoo muddo xileedkiisa uu dhammaaday Arbacadii, isagoo aan ka qeyb gelin caleema saarka Joe Biden.Lixdii January, madaxweynihii hore ayaa dad ku dibad baxayay meel u dhow Aqalka Cad u sheegay in "si nabad ah oo waddaninimo" ku dheehan tahay loo maqlo codkooda xilli ay isku diyaarinayeen inay isu soo baxyo ka sameeyaan dhismaha US Capitol. Wuxuu sidoo kale u sheegay inay "si xun u dagaallamaan".Dinbadbaxyada ayaa fowdo isku beddelay iyadoo ay koox si xoog ah ku galeen dhismaha Kongareeska, halkaas oo ay xildhibaannadu ku guda jireen ansixinta guusha Mr Biden.Afar dibadbaxayaal ah iyo sarkaal booliiska Capitol ka tirsanaa ayaa ku dhintay dhacdadaas.Xigashada Sawirka, Getty ImagesToddobaad kaddib, Mr Trump ayaa noqday madaxweynihii ugu horreeyay Mareykanka ee labo jeer xil ka qaadis laga gudbiyo. Dacwad ku soo oogiddiisa ayaa noqoneysa tii ugu horreysay ee laga gudbiyo madaxweyne xilka ka tegay. Arrimo ku saabsan xil ka qaadista:Waa maxay ka gudbinta xil ka qaadis? Ka gudbinta xil ka qaadis waa marka madaxweyne talada haya lagu soo oogo debiyo. Xaaladdan, madaxweynihii hore waxaa lagu eedeynayaa kicin dadweyne
Maxaa hore u dhacay? Aqalka Wakiillada ayaa 13-kii January u codeeyay in Mr Trump xil ka qaadis laga gudbiyo, taas oo waddada u xaareysa in Aqalka Sare uu la wareego kiiska - balse dacwad ku soo oogidda lama guda geli karin kahor inta uusan xafiiska ka tegin 20-kii January
Marka maxay taas ka dhigan tahay? Maxkamadeyn way dhici kartaa inkastoo muddo xileedka Trump uu dhammaaday, sanatarradana waxay u codeyn karaan in laga mamnuuco inuu mar kale xil qabto.
Maxay Jamhuuriyiintu codsanayaan?Baaq uu shalay u diray sanatarrada Jamhuuriga, ayaa hoggaamiyaha sanatarrada laa tirada badan yahay Mitch McConnell wuxuu sheegay in Dimuqraaddiyinta Aqalka uu ka codsaday inay dib u dhigaan dacwadda.Haddii dib loo dhigo, Mr Trump wuxuu heysan doonaa labo toddobaad - ilaa 11 February - si uu u soo gudbiyo is difaaciddiisa kahor maxkamadeynta. Doodaha ayaa la filayaa inay bilowdaan bartamaha February.Jamhuuriyiinta, oo laga soo bilaabo Arbacadii aan aqlabiyad ku lahayn Aqalka Sare, ayaa u baahan in hoggaamiyaha aqlabiyadda Dimuqraaddiyiinta, Chuck Schumer, uu oggolaado ra'yigooda.Dimuqraaddiyiintu ma oggolaan doonaan codsigaas?Xafiiska Mr Schumer weli ma soo saarin warbixin ku saabsan soo jeedinta Mr McConnell.Afhayeenka Aqalka Nancy Pelosi ayaa diidday inay weriyeyaasha uga jawaabto su'aan shalay laga weydiiyay xilliga ay gudbin doonto dacwadda.Balse waxay sheegtay in Mr Trump uusan u qalmin in la cafiyo sababo la xiriira inuu xilka ka tegay.Sanatarka Chris Coons ayaa sheegay in laga yaabo in Dimuqraaddiyiinta ay oggolaadaan dib u dhigista maxkamadeynta haddii ay Jamhuuriyiintu gacan ka geystaan ansixinta golaha wasiirrada Mr Biden. Falanqeyn: Caqabad la soo deristay DimquraaddiyiintaSoo jeedinta Mitch McConnell ee ah in dib loo dhigo dacwad ku soo oogidda Donald Trump waxay u muuqataa mid kala qeybin doonta Dimuqraaddiyiinta. Taasina waa sababta uu McConnell u soo jeediyay.Qaar ka mid ah Dimuqraaddiyiinta way soo dhoweyn doonaan in labo toddobaad dib loo dhigo, taas oo Aqalka Sare fursad u siin doonta waqti ay ku ansixiyaan golaha wasiirrada madaxweynaha. Kahor caleema saarkiisa, Joe Biden wuxuu walaac ka muujiyay inuusan si degdeg ah usoo dhammeystiri karin shaqaalaha maamulkiisa wuxuuna Aqalka Sare u soo jeediyay inay waqtigooda qeyb ka mid ah ka shaqeeyan dacwad soo oogidda iyagoo shaqooyinkooda kalena wata. Dimuqraaddiyiinta kale ayaa daneynaya in la dedejiyo dacwad ku soo oogidda. Waxay aaminsan yihiin in dib u dhigidda uu yareyn doono cadaadiska Jamhuuriyiinta ka saaran inay u codeeyaan in Trump uusan mar dambe xil qaban, maaddaama rabshadihii 6-dii January ay ka ba'ayso xusuusta.Inkastoo Mr McConnell uusan haatan xukumin Aqalka Sare, wuxuu muujinayaa in weli hayo khiddado shaqeyn kara.Yaa difaaci doona Trump?Mr Trump ayaa shaqaaleysiiyay qareen fadhigiisu yahay Koofurta Carolina oo lagu magacaabo Butch Bowers si uu wakiil uga noqdo dacwaddiisa xil ka qaadista ee Aqalka Sare, sida laga soo xigtay Sanatar Lindsey Graham.Sida laga soo xigtay bartiisa Internet-ka, Mr Bowers wuxuu la taliye gaar ah ka ahaa arrimaha codeynta ee Waaxda Caddaaladda Mareykanka, markii uu xilka hayay George W Bush.Wuxuu sidoo kale la taliye u ahaa labo barasaab hore oo Koofura Carolina ah, Nikki Haley iyo Mark Sanford.
Donald Trump: Waxa uu madaxweynihii...
15 Luulyo 2019Waa la cusbooneysiiyay 19 Daqiiqadood ka horXigashada Sawirka, Getty ImagesInkasta oo xiriirka ka dhaxeeya Soomaaliya iyo Maraykanka uu yahay mid diiran, islamarkaasna uu sii kordhayo iskaashiga labada dal, haddane waxaa sannadkii la soo dhaafay soo baxaya fikradaha uu Donald Trump ka qabo Soomaaliya.Xilligaas, inkasta oo uusan toos u magacaabin, haddane Donald Trump ayaa laga soo xigtay hadalo ay warbaahinta adduunka aad u faafisay oo uu ka sheegay afar xildhibaan oo ku jira Aqalka Congress-ka Maraykanka, oo ay ka mid tahay Ilhaan Cumar, oo asal ahaan ka timid Soomaaliya. Mid ka mid ah xildhibaanadaas uu weerarka afka ah ku qaaday Trump waa Ms Ocasio-Cortez oo ku dhalatay isbitaal ku yaala degmada Bronx ee New York, halkaas oo qiyaastii 12-mile u jirta meesha uu Donald Trump ku dhashay.Trump ayaa haweenkan xubnaha ka ah Aqalka Congress-ka Mareykanka u sheegay in ay ku laabtaan dalalkii ay ka yimaadeen, islamarkaasna ay wax ka qabtaan dhibaatooyinka heysta.Xilliga uu hadalka jeediyay oo ahayd bishii July, wuxuu yiri: "Waa arrin xiiso leh in aan aragno xildhibaanada dumarka ah ee xisbiga dimoqoraadiga, kuwaas oo asal ahaan ka yimid dalal dowladahooda ay gebi ahaanba yihiin kuwa masiibo ah, oo musuqmaasuq hareeyay, ahna kuwa ugu xun ee adduunka ka shaqeeya, in hadda dadka reer Ameerika oo ah kuwa ugu awoodda badan adduunka ay u sheegeen sida wax loo maamulo". Wuxuu Trump intaas ku daray in marka hore ay soo hagaajiyaan dalalkii ay ka yimaadeen.Balse afarta dumar ee la sheegay in uu hadalka ula jeeday, saddex ka mid ah waxa ay ku dhasheen Maraykanka, marka laga reebo Ilhaan Cumar oo iyada oo yar Soomaaliya ka tagtay.Ilhaan oo u jawaabtay Trump ayaa sheegtay in ay u dhaaratay qaranka Maraykanka iyo sidii ay uga difaaci lahayd wax ay ku tilmaamtay 'madaxweynihii ugu musuqmaasuqa badnaa ee soo maray". Madaxweyne Trump ayaa sannadkii 2019-kii, dalalka Afrika iyo kuwa kale ku tilmaamay kuwa 'Gudaafad ah', hadalkaas oo ay ka dhalatay caro badan.Sidoo kale Soomaaliya waxa ay ahayd dalka kaliya ee Afrikaanka ah ee maamulka Trump uu ku soo rogey mamnuucista xagga safarka, isaga oo ku eedeeyay in ay fadhiisimo u yihiin kooxo argagixiso ah. "Dowlad la'aan, amni la'aan, boolis la'aan"Madaxweynaha Mareykanka ayaa magaca Ilhaan si khaldan ugu dhawaaqay isagoo yiri "Eel-ann" iyadoo ay u sacbinayeen taageerayaal aan badnayn oo u soo baxay dhageysiga khudbadiisa.Xigashada Sawirka, AFPWuxuu ka digay in Ilhaan Cumar ay suuragal tahay in ay qeyb ka noqoto maamulka Mareykanka haddii musharraxa madaxtinnimada ee xisbiga Dimuqraadiga Joe Biden uu ku guuleystay doorashada dhici doonto bisha Nofeembar."Waxay jeclaan lahayd in ay dalkeenna ka dhigta sida dalkii ay ka timid oo kale - Soomaaliya. Dowlad la'aan, amni la'aan, boolis la'aan. Waxaa ka jirta fowdo uun. Hadda waxay rabtaa in ay noo sheegto sidii aan dalkeenna u maamuli lahayn. Maya, waad mahadsan tahay", ayuu yiri Trump.Trump ayaa mar uu booqasho ku tagay Minnesota sannadkii la soo dhaafay wuxuu ku canaantay dadweynaha gobolkaas sababta ay wali raalli uga yihiin in ay Congress-ka ku matasho Ilhaan Cumar."Haweeneyda Congress-ka ka tirsan ee lagu magacaabo Ilhaan Cumar, waa qof neceb Mareykanka waxay iska indha tirtay weerarkii September 11-kii, ee lagu soo qaaday waddankeenna, sideed ku oggolaateen in qof noocaas ah uu idinku matalayo Minnesota.""Aniga aad baan idiinka careysanahay dadkiinnan hadda", ayuu hadalka ku sii daray Trump.Ilhaan Cumar ayaa barteeda Twitterka soo dhigtay in Trump uu "ku guuldarreystay inuu dalka maamulo" iyadoo tusaale u soo qaadatay in 100,000 oo qof ay u dhinteen fayraska Covid-19, illaa 40 milyan oo qofna ay shaqadoodii waayeen, guud ahaan dalkana ay ka socdaan dibadbaxyo."Idinka oo aan war u heyn ayey yimideen gobolkiina" MinnesotaMar uu ka hadlayay Minnesota, maalmo ka hor doorashadii 2016-kii, wuxuu sheegay in Soomaalida ay dhibaato u horseedeen gobolka."Minnesota waxaad ku aragteen dhibaatooyiinka ay keeneen qaxootiga siiba kuwa halkaan ku badan ee Soomaalida.""Idinka oo aan war u heyn ayey yimideen gobolkiina iyagoo waliba qaarkood ay ku biirayaan ururka Daacish, waxayna xagjirnimada ku faafinayaan dalkeena iyo dunida oo dhan."Wuxuu sidoo kale xilligaas si guud u eedeeyay dadka soo galootiga ah ee Maraykanka.Daacish iyo SoomaalidaBishii June, sannadkii 2016-kii; Donald Trump ayaa hadal uu jeediyay ku sheegay in Soomaalida ay ku biiraan Daacish.Wuxuu tilmaamay in Soomaalida ay iska soo galaan Mareykanka, sidoo kalena ay dhibaato geystaan.Qalabkan kuma ciyaari kartid maqalka iyo muuqaalkaHadalkaas markuu jeedinayay, wuxuu si gaar ah uga hadlay in ay tahay in isbadal lagu sameeyo waaxda socdaalka ee dalka Maraykanka.Soomaalida Maraykanka daggan ayuu ku tilmaamay "qaxooti doonaya in ay Daacish ku biiraan."Donald Trump wuxuu mar kale ku "celiyay in ay tahay in Muslim-ka laga mamnuuco Maraykanka."Dhinaca kale waxaa xilligaas iyana hadashay Hillary Clinton oo cambaaraysay hadalada Trump"Naceybka" uu Trump u qabo qaxootiga Soomaalida oo la shaaciyayBishii October ee sannadkii 2019-kii, bogga internet-ka ee telefishinka CNN ayaa daabacay xog laga soo xigtay buug ay qoreen weriyeyaal ka tirsan wargeyska The New York Time oo ka hadlaya sida uu madaxweyne Trump "u neceb yahay qaxootiga ka yimid Soomaaliya."Sida lagu sheegay qoraalkaas CNN, bilihii ugu horreeyay ee xukunkiisa, madaxweyne Trump wuxuu Elaine Duke, oo xilligaasi ahayd kusimaha arrimaha ammaanbka gudaha, weydiiyay sababta ay u mamnuuci la'dahay qaxootiga ka imaanaya Soomaaliya.Xogta ku saabsan arrintan ayaa lagu daabacay buug cinwaan looga dhigay "Colaadda Xudduudda", waxaana buuggan lagu muujiyay aragtida madaxweyne Trump ee ku aadan dadka ka soo jeeda Soomaaliya, kuwaasi oo uu arko in ay halis ku yihiin Mareykanka.Sida lagu xusay buuggaasi: "Madaxweyne Trump iyo Stephen Miller ayaa u muuqda in si gaar ah ay u neceb yihiin Soomaalida, waxayna Soomaalida tusaale u soo qaadan jireen mar kasta oo ay doonayaan in ay muujiyaan halista dadka qaxootig ah ay u keeni karaan Mareykanka.
Yaa sheegtay mas’uuliyadda qaraxyada...
Baghdad (Togdheer News) – Kooxda isku magacowday Dowladda Islaamka (IS) ayaa sheegtay inay ka dambeysay qaraxyo ismiidaamin ahaa oo shalay ka dhacay caasimadda Ciraaq ee Baghdad, kaas oo ay ku dhinteen ugu yaraan 32 qof ayna ku dhaawacmeen in ka badan 100 qof.
Bartilmaameedku wuxuu ahaa Shiicada Muslimiinta ah, sida lagu sheegay war ka soo baxay wakaaladda wararka kooxdan Sunniga ah ee Amaq.
Waa qaraxyadii ismiidaaminta ee ugu cuslaa Baghdad muddo saddex sano ah.
Kuwa fuliyay ayaa isku dhex qarxiyay meel ay dhoobnaayeen dad ka dukaameysanayay suuqa Tayaran Square.
Qirashada kooxda jihaad doonka ah, ee bartooda Telegram-ka, ayaa timid saacado kaddib weerarka.
Qaraxyada ismiidaaminta ah kuma badneyn Baghdad tan iyo intii IS looga adkaaday gobolka sanadkii 2017.
IS ayaa mar gacanta ku heyn jirtay 88,000 isku wareeg km (34,000 isku wareeg meyl) oo dhul ah laga soo bilaabo bariga Ciraaq ilaa galbeedka Suuriya waxayna xukunkooda adag ku soo rogeen ilaa siddeed milyan oo qof.
Inkastoo IS looga adkaaday dagaalka, warbixin ay bishii August soo saartay Qaramada Midoobay ayaa lagu sheegay in in ka badan 10,000 oo dagaal yahanno IS ah ay ku sugan yihiin Ciraaq iyo Suuriya.
Dowlada Etoobiya oo war ka soo saartay...
Dawladda Ethiopia ayaa beenisay in Ciidamo Soomaali ahi ay ka qayb-qaateen weerarkii lagu qaaday gobolka Tigrayga.
Afhayeen u hadlay wasaaradda arrimaha Dibadda Ethiopia oo la yidhaahdo Dina Mufti, ayaa sheegay in ay been abuur yihiin wararka sheegaya in Ciidamo Soomaali ah iyo xattaa kuwo Eritrean ah ay qayb ka ahaayeen weerarka lagu qaaday gobolka Tigrayga.
Inkastoo dawlada soomaaliya hore ubeenisay wararkan hadana kooxaha mucradka soomaliya oo waayay wax ay ku dhaliilaan xukuumada Nabad iyo Nolol ayaa wararka been abuurka ah kubaahiyay baraha bulshada
Mucaaradka ayaa umuuqdaan kuwo caqabad ku ah kana xun horumarka iyo dhismaha ciidamada xooga dalka oo hada maraya meeshii ugu fiicanayd
Your browser does not support the audio element.
Aqalka Sanadka Mareykanka Codsi ku...
Xisbiga Jamhuuriga ee aqalka Senate-ka Mareykanka ayaa ka codsanaya Dimuqraadiyiinta inay dib u dhigaan bilowga dacwada xil ka qaadista Madaxweynihii hore Donald Trump illaa bisha Febraayo.
Waxay ku doodayaan in tani ay siin doonto Mr Trump waqti uu ku diyaariyo difaac. Mr Trum Waxaa lagu eedeeyay inuu kiciyay kacdoon kadib markii taageerayaashiisa ay weerareen xarunta baarlamaanka bishan.
Dimuqraadiyiinta Aqalka Wakiilada ayaa diyaar u ah inay dacwadda ku wareejiyaan Golaha Guurtida iyada oo ugunDahmbeyntiina Qorshuhu ui yahay in acwad adag uu wajaho madaxweynihii hore ee Mareykanka Donal J.
Mr Trump wuxuu ayaa u duulay Florida markii waqtigiisu dhamaaday Arbacadii, isagoo ka doiday in uu ka qaybgalo caleemo saarkii Madaxweyne Biydhan iyo Kuxigeenkiisa ms Kamala.
6 Bishaan ayaa madaxweynihii hore ee Mareykaka Donal J waxaa uu Taageera u muujiyey Dibad baxyaal weerar Aqalka Golaha Koongareska ee Magaciisu uu yahay Kabitaal Hill halkaas oo ay ugu yaraantii ku dhinteen 5 Ruux iyada oo Tira kale oo intaasi kabadana ay ku dhaawacmeen. By C/wahaab Aadan C/raxmaan.
Your browser does not support the audio element.
Mareykanka iyo Soomaaliya: Ma laga...
20 Daqiiqadood ka horXigashada Sawirka, Getty ImagesMadaxweynihii Mareykanka ee xilka ka degay, Donald Trump ayaa 15-kii bishan amray in ciidamada Mareykanka ka jooga Soomaaliya laga soo saaro.Mareykanka waxaa Soomaaliya ka joogay 700 oo ciidamo ah, kuwaas oo ciidamada Soomaaliya ka caawiya la dagaallanka al-Shabab iyo mintidinta kooxda isku magacowday Dowladda Islaamka.Diblomaasiyiinta iyo kooxaha korjoogtada ah ayaa ka digaya in - dalkan oo muddo soddon sano ku jiray xaalado jahwareer leh - uu mar kale qarka u saaran yahay fowdo, iyadoo dadaalka dib u dhiska Soomaaliya uu haatan khatar ku jiroXilliga uu Mareykanka ciidankiisa kala baxay Soomaaliya ayaa ku soo aadey iyadoo doorasho ay ku soo fool leedahay dalka, lagana baqayo in khilaafka ka taagan hannaanka doorashada uu dhibaato horseedo."Soomaaliya waxay ku jirtaa xilli muhiim ah," Wakiilka Xoghayaha Guud ee Qaramada Midoobay, James Swann, ayaa sidaas BBC-da u sheegay, isagoo ka digay in dhaqanka hoggaamiyeyaasha qaranka iyo kuwa gobollada - ee isku haya hannaanka doorashada baarlamaaniga ah ee dadban- uu horseedi karo rabshado.Go'aanka Trump ayaa ka nixiyay qaar ka mid ah Soomaalida gudaha dalka ku sugan, kuwaas oo madaxweynaha cusub Joe Biden ka codsaday inuu wax ka beddelo arrintaas. Sanator Ayuub Ismaaciil Yuusuf ayaa go'aankaas ku tilmaamay "mid aad looga shalleyn karo". Wuxuu sheegay in ciidamada Mareykanka ay wax weyn ka qabteen tababarka iyo tayada ciidamada Soomaaliya.Milkiilaha hoteelka Elite ee magaalada Muqdisho, xildhibaan Cabdullahi Maxamed Nuur, oo weerar lagu qaaday hoteelkiisa bishii August ee sanadkii hore ay ku dhinteen 15 qof, ayaa walaac weyn ka muujiyay in ciidamada Mareykanka laga saaro Soomaaliya."Aad ayay inoo dhibeysaa," ayuu yiri milkiilaha hoteelka. "Weli waan u baahannahay Ameerikaanka, gaar ahaan dhanka ammaanka."Haddaba, madaxweynaha cusub ee Mareykanka, Joe Biden, ciidanka Mareykanka dib ma ugu celin karaa Soomaaliya?Xigashada Sawirka, EPAMadaxweynaha Mareykanka Joe Biden ayaa bilaabay inuu wax ka beddelo qaar ka mid a siyaasadihii ugu waaweynaa Donald Trump, saacado kaddib markii la dhaariyay"Ma jiro waqti la luminayo marka ay timaaddo wax ka qabashada xasaradaha aan wajaheyno," ayuu barta Twitter-ka ku soo qoray xilli uu ku sii jeeday Aqalka Cad.Sharciyada horyaalla waxaa ka mid ah kan muranka badan dhaliyay ee mamnuucista safarka lagu tagi karo Mareykanka, ee dalalka qaar oo Soomaaliya ay ka mid tahay uu kusoo rogay madaxweynaha isaga xilka uu kala wareegay ee Donald Trump.Madxaweyne Biden ayaa khudbadiisii caleema saarka ku sheegay in Mareykanka uu hagaajin doono xiriirka caalamka, iyadoo mararka qaar ay khudbadiisa u muuqatay mid uu ku durayo siyaasadda maamulkii ka horreeyay ee Trump."Dib baan u hagaajin doonnaa xulafadeennaa dunidana mar kale ayaan la macaamili doonnaa," ayuu yiri.Biden wuxuu bishii Oktoobar ee sanadkii hore cambaareeyay go'aankii uu Donald Trump ciidamada Mareykanka uga saaray Suuriya. Iyadoo 100-ka maalmood ee ugu horreeya madaxtinnimadiisa uu qorsheynayo inuu wax badan ka beddelo qaar ka mid ah siyaasadihii Donald Trump, haddana ma cadda inuu xisaabta ku darsan doono ciidamada Mareykanka ee laga saaray dalal ay Soomaaliya ka mid tahay.Afhayeenka Taliska Ciidamada Mareykanka ee Afrika Col. Chris Karns oo la weydiiyay in maamulka Madaxweyne Joe Biden uu wax ka beddeli doono arrintaas, ayaa sheegay inaan hadda la saadaalin karin.Maxat tahay howsha ay milateriga Mareykanka u joogeen Soomaliya?Xigashada Sawirka, AFRICOMCiidamada Mareykanka ee ku sugnaa Soomaaliya waxay wadashaqeyn la lahaayeen kuwa AMISOM ee ka socda Midowga Afrika, Soomaaliyana ku tagay qaraar kasoo baxay Golaha Ammaanka ee Qaramada Midoobay.Bishii Abriil ee sanadkii lasoo dhaafay ayuu madaxweyne Donald Trump saxiixay wareegto uu ku kordhinayay xilliga ay ciidamada Mareykanka howlgallada gaarka ah u joogayaan Soomaaliya, isagoo ku daray hal sano oo kale.Hase yeeshee, iyadoo laga yaabo in muddo kordhintaas ay ahayd tii ugu dambeysay, haddana saraakiisha difaaca ee Mareykanka waxay sheegeen howlgalka Soomaaliya uu qaadan karo sannado kale.In ka badan saddex sano ayey koox Mareykan ah oo howlgal khaas ah loogu talagalay ku suganaayeen Soomaaliya. Shaqada ugu badan ee ay hayaan waa inay dowladda Soomaaliya ka caawiyaan arrimo ay ka mid yihiin:Caawinta dagaalka ka dhanka ah Al-Shabaab
La talinta dhinaca fulinta weerarrada cirka iyo kuwa dhulka
Tababarka ciidamada milateriga ah
Dhisitaanka ciidan tayo leh
Saraakiisha milatariga ee Mareykanka ayaa asaasay ciidamada kumaandooska Soomaaliya ee loo yaqaanno Danab, kuwaasi oo ay tiradooda kor u dhaafeyso 3,000 askari.Waxyaabaha kale ee ay milateriga Mareykanka ka sameeyaan Soomaaliya waxaa ka mid ah duqeymaha loo adeegsado diyaaradaha uusan duuliyaha saarneyn ee drones-ka, kuwaasoo lagu bartilmaameedsado saldhigyada iyo dhaqdhaqaaqyada Al-Shabaab.Faragalinta milateriga Mareykanka ee Soomaaliya ayaa soo billaabatay sanadkii 2007-kii, markaasoo duqeymo ay fulisay diyaaradda nooceedu yahay AC-130 lagu dilay dad ay rayid ka mid yihiin.Sanadkii 2019-kii ayey ciidamada Mareykanka Soomaaliya ka fuliyeen duqeymihii ugu badnaa abid, oo gaarayay ilaa 60 weerar oo xagga cirka ah.Weerarradaas oo la kala fuliyay bilihii Janaayo, Febraayo, Maarso, Abriil, Luulyo, Agosto, Oktoobar, Nofeembar iyo Diseembar ayaa lagu dilay in ka badan 200 oo ka tirsan xubnaha Al-Shabaab iyo dad shacab ahba.
Madaxweynayaasha Maamul Goboleedyada oo...

22nd January 2021  admin  Category :WARAR: AF SOOMAALI
Madaxweynayaasha Maamul Goboleedyada oo ka wadahadlay Telefoonka
Sida ay sheegayaan wararka madaxweyneyaasha maamul goboleedyada Koofur galbeed, Galmudug, Puntland, Hirshabelle iyo Jubbaland ayaa shir dhinaca  taleefanka kaga wadahadlay ismari waaga ka taagan doroashooyinka iyo sidii xal looga gaari karo.
Shirka oo saacado badan u socday madaxda dowlad goboleedyada  ayaa waxay kaga shireen sidii la isku soo dhowaan lahaa, caqabadaha ka taagan doorashada loo xallin lahaa.
Shirkan ayaa ka dambeeyay kaddib markii Wakiilada Beesha Caalamka si kala gaar ah shalay iyo maanta shirar dhanka Online ee Zoomka ay la yeesheen Madaxda Dowlad Goboleedyada kaasoo looga hadlayay is mari waaga ka taagan doorashooyinka iyo sida xal looga gaari karo.Wakiilada Beesha Caalamka ayaa dadaal ugu jira sidii shir la isugu imaan lahaa, si loo xaliyo is mari waaga taagan, waxaana muuqata in dowladda Federaalka ay wajaheyso culeys uga imaanaya Beesha Caalamka oo ay u dambeysay baaqii Safiirka UK u qaabilsan UN-ka oo la kulantay Wasiirka Arrimaha Dibadda u sheegtay in waqtiga gabagabo yahay in la bilaabo doorashada, waxaana ay ugu baaqday in dowladda Federaalka ay raadiso dowlad Goboleedyada lana gaaro doorasho wadar ogol ah.
Post navigation
← Jidka Barakaysan iyo maanta
Alshabaab oo la wareegtay Deegaan...

Sida ay sheegayaan Wararka naga soo gaaraya gobolka Shabeellaha dhexe Al-Shabaab ayaa la wareegay gelinkii dambe ee shalay dhul ballaaran oo hoostaga degmooyinka Raage-ceelle iyo Jowhar.
Al-Shabaab ayaa la wareegtay tuulooyinka ay ka mid yihiin Warciise oo 15-20km u jirta Jowhar, iyo sidoo kale tuulooyinka Qoordheere, Jabada carbeed, Geyfo iyo Daba-gaab oo hoostaga degmada Raagaceelle.
Al-Shabaab ayaa la soo sheegayaa iney qiyaastii 10km u jiraan degmada Raagaceelle, halka ay tuulooyin hoostaga Jowhar ay la wareegeen sida wararku sheegayaan.
Shacabka ku nool gobolka Shabeellaha Dhexe ayaa cabsi iyo walaac badan ka dareemaya dhaqdhaqaaqyada ay wadaan Al-shabaab iyo goobaha cusub ee ay qabsadeen.
Maalmo ka hor ayey aheyd markii Al-Shabaab ayaa sidan oo kale la wareegtay degaanka Mashallaay oo hoostaga degmada Qoryooley ee gobolka Shabeellada Hoose ka dib markii ay isaga baxeen ciidamada DF iyo kuwa AMISOM.
Your browser does not support the audio element.
Wasaarada Arimaha Dibadda Soomaaliya oo...
Wasaarada arrimaha dibeda ee Somalia ayaa soo saartay War-saxaafadeed ay si kulu ugu cambaareysay qarax lagu hoobtay oo shalay ka dhacay magaalada Baqdaad ee dalka Ciraaq.
War-saxaafadeedka ayaa ku bilowday sidan:-
Xukuumadda Federaalka Soomaaliya waxa ay si adag u cambaaraynaysaa labo is-qarxin argagaxiso fulaynimo leh oo lala beegsaday maanta suuq bulsho oo lagu iibiyo dharka celiska ah oo ku yaalla fagaaraha duulimaadka ee bartmaha Caasimadda Ciraaq ee Bagdaad, oo sababay geerida iyo dhaawaca dad rayid ah oo aan waxba galabsan.
Soomaaliya oo xanuunka iyo murugada la qeybsanaysa Dowladda iyo Dadka Ciraaq ayaa waxa ay markale ku celinaysaa inay ku garab taaggantahay walaalaha Ciraaq dadaalka ay ku doonayaan in ay ku sugaan nabadda iyo deganaanshaha, ugana hortagaan nooc kasta oo argagaxiso iyo xagjirnimo, waxayna muujineysaa inay ka damqanayso dhibtaasi, uguna tacsiyeynayso qoysaska dhibbanayaasha, iyadoo u rajeynaysa dadka ku dhaawacmay soo kabasho degdeg ah.
-Dhammaad-Hoos ka akhriso isagoo ku qoran luqada carabigaYour browser does not support the audio element.
IS oo sheegatay qaraxyadii cuslaa ee...
9 Daqiiqadood ka horXigashada Sawirka, Getty ImagesKooxda isku magacowday Dowladda Islaamka (IS) ayaa sheegtay inay ka dambeysay qaraxyo ismiidaamin ahaa oo shalay ka dhacay caasimadda Ciraaq ee Baghdad, kaas oo ay ku dhinteen ugu yaraan 32 qof ayna ku dhaawacmeen in ka badan 100 qof.Bartilmaameedku wuxuu ahaa Shiicada Muslimiinta ah, sida lagu sheegay war ka soo baxay wakaaladda wararka kooxdan Sunniga ah ee Amaq.Waa qaraxyadii ismiidaaminta ee ugu cuslaa Baghdad muddo saddex sano ah.Kuwa fuliyay ayaa isku dhex qarxiyay meel ay dhoobnaayeen dad ka dukaameysanayay suuqa Tayaran Square.Qirashada kooxda jihaad doonka ah, ee bartooda Telegram-ka, ayaa timid saacado kaddib weerarka.Qaraxyada ismiidaaminta ah kuma badneyn Baghdad tan iyo intii IS looga adkaaday gobolka sanadkii 2017.IS ayaa mar gacanta ku heyn jirtay 88,000 isku wareeg km (34,000 isku wareeg meyl) oo dhul ah laga soo bilaabo bariga Ciraaq ilaa galbeedka Suuriya waxayna xukunkooda adag ku soo rogeen ilaa siddeed milyan oo qof.Inkastoo IS looga adkaaday dagaalka, warbixin ay bishii August soo saartay Qaramada Midoobay ayaa lagu sheegay in in ka badan 10,000 oo dagaal yahanno IS ah ay ku sugan yihiin Ciraaq iyo Suuriya.Waxay ka howlgalaan meelaha miyiga ah, iyadoo beegsanaya xoogagga ammaanka.Weerarkii shalay subax, ayaa wuxuu qofkii is qarxiyay galay dukaan isagoo dad isku soo ururiyay una sheegay inuu xanuunsan yahay, sida lagu sheegay war ka soo baxay wasaaradda arrimaha gudaha.Goobjooge ayaa wakaaladda wararka ee Reuters u sheegay: "Gacantiisa ayuu badhanka qaraxa ku taabtay. Isla markiiba way qaraxday dadkuna way kala googo'een."Qofkii labaad ayaa is qarxiyay markii ay dadku isugu yimaadeen inay caawiyaan kuwii ku waxyeeloobay qaraxii hore, sida ay wasaaraddu sheegtay.Goobjoogayaal ayaa sheegay in Tayaran Square uu mashquul ahaa maaddaama la khafiifiyay xayiraaddii ku dhwoaad sanad jirtay ee coronavirus.Qaraxii ismiidaaminta ee ugu dambeeyay ee ka dhaca Baghdad wuxuu ka dhacay isla suuqaas bishii January sanadkii 2018, waxaana ku dhintay 35 qof.Madaxweynaha Ciraaq Barham Saleh ayaa cambaareeyay weerarkaas, isagoo sheegay in dowladdu ay qaadi doonto tallaabooyin dalka looga difaacayo falalkaas.Pope Francis, oo qorsheynaya in bisha March uu booqdo Ciraaq ayaa farriin uu madaxweyne Saleh u diray ku cambaareeyay falkaas.Sidoo kale Mareykanka, Midowga Yurub iyo QM ayaa cambaareeyay weerarkaas.Weerarkii sanadkii 2018 ayaa dhacay bilooyin kahor doorashooyinkii baarlamaaniga ahaa ee Ciraaq, sanadkaanna waxay Ciraaq qorsheyneysaa inay qabato doorasho guud.
Nigeria: 13 jirkii diinta wax ka...
16 Daqiiqadood ka horXigashada Sawirka, Getty ImagesWiil 13 jir ah oo 10 sano oo xabsi ah lagu xukumay sanadkii hore sababo la xiriira inuu diinta wax ka sheegay ayaa haatan ka bixi kara xabsiga.Waxaa bishii August xukun ku ridday maxkamad Islaami ah sababo la xiriira inuu wax ka sheegay Ilaahay, xilli ay dood ku dhex mareysay saaxiibkiis waqooyiga gobolka Kano.Balse maxkamadda racfaanka ayaa shalay laashay xukunka, iyadoo sheegtay in wiilku uu weli carruur yahay.Xukunkii sanadkii hore ee ay maxkamadda shareecada ridday ayaa sababay cambaareyn caalami ah.Hay'adda arrimaha carruurta ee Qaramada Midoobay, Unicef, ayaa sheegtay in xukunkaasi uu meel uga dhacayo xuquuqda carruurta iyo caddaaladda carruurta ee ay Nigeria iyo gobolka Kano u hoggaansameen. Maamulka Kano ayaa u muuqda inuusan ku faraxsaneyn xukunka la laalay. Xeer ilaliyaha Guud ee gobolka Musa Lawan ayaa BBC-da u sheegay inay tixgelin doonaan inay racfaan ka qaataan xukunka.Kano waxay ka mid tahay 12 gobol oo Nigeria ku yaalla kuwaas oo ku dhaqma hannaanka Shareecada.Inta badan Muslimiinta dalkaas waxay ku nool yihiin waqooyiga Nigeria, keliya Muslimiinta ayaana lagu xukumaa maxkamadaha shareecada.Maxkamadda racfaanka ayaa amartay in dib loo furo kiiska fannaan ay maxkamadda shareecada ku xukuntay dil, sababo la xiriira inuu aflagaaddeeyay Nabi Muxammad NNKH.Xeer ilaaliyaha Guud ee Kano ayaa soo dhoweeyay xukunka isagoo ku tilmaamay "guul u soo hoyatay dadka Kano". Sida laga soo xigtay qareenka wakiilka ka ah labadooda, "noloshooda marnaba ma noqon doonto sideedii hore". Kola Alapinni ayaa sheegay in wiilka yar uusan ku badbaadeynin Kano, halka fannaanka Yahaya Sharif-Aminu, oo 22 jir ah, loo badinayo inuu xabsiga ku sii jiro ilaa mar kale laga qaadayo dacwaddiisa.Dibadbaxayaasha Kano ayaa sanadkii hore digada ka dhigay guriga Mr Sharif-Aminu, iyagoo qoyskiisana ku qasbay inay qaxaan, sida laga soo xigtay wakaaladda wararka ee Reuters.