Latest Videos

Al-Shabaab oo Gaari rakaab ah ku...

Nairobi-(SONNA)-Ku dhowaad 8 Qof oo Rayid ah ayaa ku dhaawacmay Rasaas ay dableey loo malaynayo Al-Shabaab ku fureen Gaari rakaab ahaa oo marayay inta u dhexeysa Mandheera Kenya iyo Ceel waaq Soomaaliya.
Gaarigan oo uu noociisu ahaa, Toyota Land Cruiser ayaa loo galay halka lagu Magacaabo War guduud, waxaana xaaladdooda laga deyrinaya Saddex ka mid ah Dadka ku dhaawacmay weerarka, halka dhowr Qof oo kalana lagu dabiibayo Cuspitaalka Ceel-waaq.
Dadka saarnaa Gaariga ayaan illaa iyo haatan la ogeyn tiradooda, maaddaama rakaabka qaarkii ay ka baxsadeen Rasaasta la huwiyay Baabuurka ay la socdeen, balse waxaa socda baaritaanno lagu ogaanayo sida ay wax u dhaceen.
Waxaa jira dhaliilo ay Dadka degaanka usoo jeedidanyaan masuuliyiinta Dowladda Kenya, markii ay madaxda Gobolka ka jawaabi waayeen xiriirro ku aaddan ammaanka oo ay la sameeyeen Shacabka halkaasi ku dhaqan.
Isha/ Daily Nation
Previous articleMadaxweyne Farmaajo oo u ambabaxay Dalka Turkiga
”Waxan orankaraa Muqdisho hadda ayey...
Muqdisho (Caasimada Online)-Taliyaha ciidanka hoggaanka ilaalinta canshuuraha iyo dhaqaalaha ciidanka Booliska Soomaaliyeed General C/laahi Xasan Bariise, ayaa daboolka ka qaaday in Somalia ay ka xoroobeyso dhaqanka isku dhexyaaca ciidamada.
General C/laahi Xasan Bariise oo la hadlay TV-ga Somali Cable ayaa sheegay in isku darka ciidamada labisan ee NISA iyo kuwa Booliska ay waxbadan ka bedeshay hanaanka amni ee magaalada Muqdisho.
Waxa uu tilmaamay in laga gudbay isku dhexyaaca ciidamada xiliyada ay dhacayaan howlgalada, waxa uuna carab dhabay in xiligaani uu wanaagsan yahay howlgalka maadaama la mideeyay labada ciidan.
General C/laahi Xasan Bariise, waxa uu tilmaamay in markii magaalada gudaheeda ay ka wada shaqeyn jireen ciidanka Nabad Sugidda iyo kuwa Booliska uu imaan jiray isku dhac ciidanka dhexdooda ah, hase yeeshee iminka laga gudbay ciidankuna uu yahay hal ciidan oo qura.
“Waxaan ka gudubnay isku dhacyada ciidamada NISA iyo kuwa Booliska ee gudaha magaalada, hadda ciidamadu waa hal jiho qura waxa ayna ku shaqeyn doonaan hal amar oo kaliya”
Wuxuu sheegay ciidankii Nabad Sugidda ee magaalada ka hawlgali jiray qaarkood in la hoos geeyay Booliska, kana amar qaadanayaan Taliyaha Ciidanka Booliska Soomaaliyeed Gen. Bashiir Cabdi Maxamed, arrintana ay keentay in la helo wada shaqeyn dhab ah oo ciidamda ay yeeshaan.
“Shalay laba amar hadii ay bixi jirtay, maanta Hal amar ayuu ku soo wareegay amnigii oo Taliyaha ciidanka Booliska ayay ka amar qaadanayaan ciidankii Nabad Sugidda ee lagau biiriyay Booliska, hada waxaa u socda tababar xirfadeed, waxaan rajeynaa in amniga aan ku guuleysano, shacabka waxaan ka codsanayaa inay nagala shaqeeyaan sugidda amniga”.
Waxa uu sheegay in dhibaatada ugu badneyd ee heysatay ciidamada ay aheyd isku dhaca, balse iminka leyskala gudbay, sida uu hadalka u dhigay.
Sidoo kale, General C/laahi Xasan Bariise, waxa uu sheegay in dowlada Somalia talaabadani laga doonaayay xili hore, hase yeeshee xiligan la doonaayo in la dhaqan galiyo keliya nidaamka loo bareeray.
Haddalka General C/laahi Xasan Bariise,ayaa imaanaya xili ciidamada dowlada ay ku dagaalami jireen magaalada Muqdisho kuwaa oo kala taabacsanaa Hay’ado kala duwan oo is midab faquuqayay.Caasimada OnlineXafiiska MuqdishoCaasimada@live.com
- Sponsored Ads -
Madaxweyne Farmaajo oo Saacadaha soo...
Ankara (Caasimadda Online)- Madaxweynaha Soomaaliya Maxamed Cabdullaahi Farmaajo iyo wafdi uu hoggaaminayo ayaa saacadaha soo socdo gaari doono Magaalada Ankara ee Caasimadda Dalka Turkiga.
Madaxweynaha iyo wafdigiisa ayaa casuumaad ka helay dhigiisa Dalka Turkiga Erdogan.
Labada Madaxweyne ayaa ka wada hadli doono xaana iskaashiga dhaqaalaha, amniga iyo maalgashiga.
Sidoo kale waxaa laga casuumay shirka 6-aad ee caadiga ah ee Xisbiga talada Turkey haya AK Part.
Madaxweyne Farmaaji iyo wafdigiisa oo hadda ku sugan Dalka Jabuuti ayaa halkaas kasoo duuli doono Saacadaha soo socdo.
Madaxweyne Farmaajo ayaa safar uu ku joogo Jabuuti kulami kula qaatay madaxda ugu sareyso dalkaas iyadoo laga wada haay xiriirka labada dowladood.
- Sponsored Ads -
Madaxweyne Farmaajo Oo Turkiga Uga Qeyb...

 
 
Madaxweynaha Soomaaliya, Maxamed C/llaahi Farmaajo iyo wafdi uu hoggaaminayo oo howlo shaqo u joogay Dalka Jabuuti ayaa Maanta oo Jimca ah u ambabaxay Dalka Turkiga, markii uu casuumaad rasmi ah ka helay dhiggiisa, Recep Tayyip Erdoğan.
Agaasimaha Xafiiska Warfaafinta iyo Xiriirika Warbaahinta Madaxtooyada Soomaaliya Mudane , C/nuur Maxamed Axmed ayaa Wakaaladda wararka Soomaaliyeed ee SONNA u sheegay in mudane Farmaajo iyo Madaxweyne Ordogan ay ka wada hadli doonaan adkaynta xiriirka Walaaltinimo ee Labada Dal, iskaashi ku aaddan xoojinta dhaqaalaha,ammaanka,is-dhaafsiga ganacsiga iyo maalgashiga.
Madaxweynaha ayaa inta uu Turkiga jooga wuxuu halkaas kaga qayb geli doonaa kullanka Lixaad ee ay yeelanayaan golaha wakiillada ee Xisbiga haatan talada Dalka haya ee AK Part, shirkaas oo dhici doono Berri oo ay Taariikhdu tahay 18-ka Augost.
Madaxweynaha ayaa waxaa Garoonka Diyaaradaha ee Magaalada Jabuuti kusii sagootiyay Madaxda ugu sarreysa Dalkaas.
Untitled Document
Ka Dhageyso War Dag Dag Ah Mobile-kaada 001 7127755624TEL Maraykanka 7127755624 Fadlan Hadii aad u baahantahay Macluumaad dheeraad ah naga la soo Xiriira.
Email: dayniilewb@gmail.com TEL 00252618895064
Abaanduulihii xilka laga qaaday oo...

 
Sida ay sheegayaan wararka inaga soo gaaraya gobolka Shabeellaha Hoose, qarax Miino ayaa duhurnimadii maanta waxaa Jiiro Gaaljecel oo u dhaxeysa Lambar 60 iyo Shalambood lagula eegtay ciidan uu hoggaaminayay Abaanduulihii hore ee ciidanka xoogga dalka Gen. Cabdullaahi Cali Caanood oo shalay uu xilka ka qaaday Madaxweynaha Soomaaliya Maxamed C/laahi Maxamed (Farmaajo).
Ilo xog ogaal ah ayaa Idaacadda dayniile u sheegay in qaraxa uu qabsaday mid ka mid ah 46 Cabdi Bille oo uu watay Abaanduulihii hore ee ciidanka xoogga dalka Soomaaliyeed.
Warar aan helnay ayaa waxa ay sheegayaan in Gen. Caanood uu tan iyo xalay ciidan badan ku uruursananay degaanada ku dhaw degmada Afgooye, Beerta Cali Mahdi iyo Laanta Buuro.
Qaraxan ayaa wuxuu ka dambeeyay kadib markii Abaanduulaha iyo kolonyadiisa ay barkhanimadii maanta ka dhaqaaqeen aagga Afgooye, ayna ku sii jeedeen dhanka Shalambood, balse uu qaraxa ku qabsaday wadada.
Saraakiil ka tirsan Miilatariga Soomaaliya ayaa waxa ay inoo sheegeen qaraxaasi inuu burburiyay gaariga, islamarkaana waxyeelo uu ka soo gaaray ciidankii gaariga saarnaa, balse uu bad qabo Gen. Caanood.
Ilaa hadda lama oga ujeedada uu damacsanaa Gen. Caanood, warar aan helnay waxa ay sheegayaan inuu qaadi rabay hawlgal Shabaab looga saarayo gobolkaasi, balse dadka qaar ayaa is weydiinaya waxa ku soo beegay marka xilka laga qaaday in ciidan uu uruursado, dagaalna uu qaado.
Untitled Document
Ka Dhageyso War Dag Dag Ah Mobile-kaada 001 7127755624TEL Maraykanka 7127755624 Fadlan Hadii aad u baahantahay Macluumaad dheeraad ah naga la soo Xiriira.
Email: dayniilewb@gmail.com TEL 00252618895064
Muwaadin Soomaaliyeed Oo Lagu Dilay...
Wararka naga soo gaaraya dalka Koofur Africa ayaa ku soo warramaya in Magaalada Durban ee dalkaasi lagu dilay Muwaadin Soomaaliyeed islamarkaana Ganacsato kale lagu weeraray Magaaladaasi.
Waxaana jira Khasaarooyin kale oo isugu jira dhaawac iyo dab la qabadsiiyay Dukaamo Soomaalidu ku yihiin Magaalada Durban ee dalka Koofur Africa.
Guddoomiyaha dhalinyarada Soomaaliyeed ee dalka Koofur Africa Maxamed Cumar Talyaani oo u warramayay Idaacadda Shabelle ayaa hoosta ka xariiqay in muddooyinkii dambe laga nastay weerarada ka dhanka ah Muwaadiniinta Soomaaliyeed ee ka nool dalka Koofu Africa balse haatan walaac xoogan ay ku beertay weeraradaan cusub.
Koofur Africa ayaa waxaa ku sugan Muwaadiniin badan oo Soomaaliyeed kuwaas oo Ganacsiyo kala duwan ka sameystay dalkaas.
Untitled Document
Ka Dhageyso War Dag Dag Ah Mobile-kaada 001 7127755624TEL Maraykanka 7127755624 Fadlan Hadii aad u baahantahay Macluumaad dheeraad ah naga la soo Xiriira.
Email: dayniilewb@gmail.com TEL 00252618895064
Previous articleAbaanduulihii xilka laga qaaday oo qarax lagula eegtay Shalaambood
Sucuudiga oo lacag ku bixinaya...

Dowladda Sucuudiga ayaa sheegtay in ay 100 milyan oo doollar ugu yabooheyso dib u dhiska qeybo ka mid ah dalka Suuriya, gaar ahaanna woqooyiga dalkaasi oo kal hore laga qabsaday mintididinta kooxda Dowladda Islaamka. Lacagtan uu Sucuudiga ku yaboohay ayaa la doonayaa in dib loogu soo celiyo adeegyadii aasaasiga ahaa ee gobolkaasi oo ay hadda maamulaan maleeshiyaadka Kurdiyiinta u badan ee uu Mareykanka taageero. Deegaanada lacagta Sucuudiga ka faa'iideysan doono waxaa ka mid ah magaalada Raqa oo ku burburtay dagaalkii looga xoreynayay kooxda Daacish. Mareykanka ayaa soo dhaweeyay yabooha Sucuudiga waxa uuna sheegay in xasilinta gobolkaasi ay muhiim u tahay in kooxda Daacish aysan mar kale ku soo laaban gobolka. Dowladda madaxweyne Bashar Al-Asad ee Suuriya wali kama aysan hadlin yaboohaasi Sucuudiga.
Dowladda Sucuudiga iyo waddamo kale oo Carbeed ayaa taageerayay kooxaha kacdoon wadeyaasha ahi ee doonayay in ay ka takhluusaan dowladda madaxweyne Asad. Balse dowladaha Iiraan iyo Ruushka ayaa garab istaagay dowladda Suuriya.Dalka Turkiga oo dowladda Ruushka aad ugu dhow, hadda uu muran kala dhaxeeyo Mareykanka ayaa kal hore ku gacan seyray taageerada Mareykanka ee maleeshiyaadka Kurdiyiinta.Dowladda Turkiga ayaa Kurdiyiintani u aragta urur argagixiso, waxaana madaxweynaha Turkiga uu dhawr jeer oo hore uu ballanqaaday in uu weerarayo.
Dowladda Suuriya ayaa iyaduna xilligaasi qorshahan ku tilmaamtay weerar qaawan oo lagu soo qaaday dalkeeda, halka dowladda Ruushka ay ka digtay cawaaqib xumada ka dhalan karta taageerada Mareykanka ee maleeshiyaadkaasi oo gaaraya ilaa 30,000 oo askari. Balse si xiisadda loo yareeyo ayaa Mareykanka waxa uu ku amray maleeshiyaadkani in ay ka baxaan magaalooyinka uu Turkiga dalbaday in ay isaga baxaan sida Manji boo kale. Bishii Oktoobar ee sanadkii lasoo dhaafay ayaa gacan ku haynta magaalada Raqa waxaa la wareegay maleeshiyaadka Kurdiyiinta, kuwaasi oo wixii intaasi ka dambeeyay isa sii balaarinayay.Yabooha Sucuudiga ayaa ku soo beegmaya xilli muran xooggan uu hadda ka dhex taagan yahay Mareykanka iyo Turkiga. Mareykanka ayaa maanta ku hanjabay in xayiraado dhaqaale uu ku soo rogayo dalka Turkiga sababo la xiriira diidmada Turkiga ee ah in uu xabsiga ka sii daayo baadari Mareykan ah oo u xiran dowladda Turkiga.
Madaxweyne Farmaajo oo u duulay Dalka...
Madaxweynaha Jamhuuriyada Federaalka Soomaaliya Maxamed Cabdullaahi Farmaajo oo ku suganaa Magaalada Jabuuti ayaa Goordhow u duulay Dalka Turkiga.
Madaxweyne Farmaajo ayaa casuumad rasmi ah ka helay Dhigiisa dalka Turkiga Recep Tayyip Erdoğan.
Madaxweyne Farmaajo  ayaa waxaa uu ka qayb geli doonaa kullanka Lixaad ee ay yeelanayaan golaha wakiillada ee Xisbiga haatan talada Dalka haya ee AK Part,  shirkaasi oo dhici doono Bari 18-ka Augost.
Dowladaha Soomaaliya iyo Turkiga ayaa waxaa ka dhaxeeya Xiriir aad u wanaagsan waxaana uu Madaxweyne Farmaajo kulan la qaadan Doonaa Madaxweyne Erdoğan.
Madaxweyne Farmaajo ayaa sidoo kale la kulmi doono Madax kala duwan kuwaasi oo ka qeeybgali doono shirkaasi.Xasan Maxamed Samatar Cowke Puntland Post
Share this:
Xeer-beegta Dacwadda Manafort oo...

Xeer beegtada go'aanka ka gaareysa dacwadda ka dhanka ah Paul Manafort oo ahaa madaxii hore ee ololaha doorashadii madaxweynanimo ee Donald Trump, ayaa shaley dhammeeyey maalinti ugu horeysay ee ay ka doodayeen dambiyada lagu soo eedeeyay.
Manafort, ayaa ku eedeysan dambiyo dhowr oo ay ka mid yihiin musuq maasuq, canshuur is-daba marin iyo dambiyo kale
Xeer-beegtan oo ka kooban 12 ruux, lix rag ah iyo lix dumar ah ayaa shaley su'aalo weydiiyey garsoorihi maxkamadda ee dacwadan si uu ugu macneeyo sharciyada qaar waxa loola joodo micno ahaan.
Horraantii shaley, ka dib marki ay su'aalahoodi dhameysteen ayuu garsoore T.S. Ellis u dulmarey doodihi maxkamadda la hor-keenay oo kooban. Wixi intaas ka danbeyeyna, waxaa billowdey doodda xeeer-beegta.
Dacwadda ka dhanka Paul Manafort ayaa xiiso dheeri ah u leh warbaahinta iyo bulshada Mareykanka ah, sababtoo ah waa dacwaddi ugu horeysay ee uu maxkamad hor-keeno Robert Meuller, dambi baaraha gaarka ah ee daba joogo fara-gelinta la sheegay in uu Ruushku ku sameeyey doorashadii Mareykanka ka dhacdey 2016-kii ee lagu doortey Donald Trump.
Madaxweyne Farmaajo oo u ambabaxay...

Jabuti-(SONNA)-Madaxweynaha Soomaaliya, Maxamed C/llaahi Farmaajo iyo wafdi uu hoggaaminayo oo howlo shaqo u joogay Dalka Jabuuti ayaa  Maanta oo Jimca ah u ambabaxay Dalka Turkiga, markii uu casuumaad rasmi ah ka helay dhiggiisa, Recep Tayyip Erdoğan.
Agaasimaha Xafiiska Warfaafinta iyo Xiriirika Warbaahinta Madaxtooyada Soomaaliya Mudane , C/nuur Maxamed Axmed ayaa Wakaaladda wararka Soomaaliyeed ee SONNA u sheegay in mudane Farmaajo
iyo Madaxweyne Ordogan ay ka wada hadli doonaan adkaynta xiriirka Walaaltinimo ee Labada Dal, iskaashi ku aaddan xoojinta dhaqaalaha,ammaanka,is-dhaafsiga ganacsiga iyo maalgashiga.
Madaxweynaha ayaa inta uu Turkiga jooga wuxuu halkaas kaga qayb geli doonaa Lix Sana guuradii kasoo wareegatay markii la aas-aasay Xisbiga haatan talada Dalka haya ee AK Part, oo ku beegan Berri oo ay Taariikhdu tahay 18-ka Augost.
Madaxweynaha ayaa waxaa Garoonka Diyaaradaha ee Magaalada Jabuuti kusii sagootiyay Madaxda ugu sarreysa Dalkaas.
Previous articleDhaqtarkii gaarka ahaa ee Boqoradda Ingiriiska oo geeriyooday
Tirada dad Dhimasha iyo dhaawaca oo...
Tirada dhimashada ayaa sii korartey in ka badan 30 qof ayaa la sheegay in ay ku dhinteen boqolaal kale ku dhaawacmeenkadib marki ay duntay buundo ku taalla magaalada Genoa ee Talyaaniga.
Kooxaha gurmadka ayaa ilaa maanta oo dhan ku dadaalayay sidii ay dad nool uga soo saari lahaayeen buundadii shalay ku burburtay magaalada Genoa ee dalka Talyaaniga.
Ugu yaraan 26 qof ayaa la xaqiijiyay in ay halkaasi ku dhinteen, hasayeeshee waxaa la saadaalinayaa inay sare u kici karto tirada dhimashada.
Booliska ayaa sheegaya inay ku rajo weyn yihiin inay heli doonnaan dad nool oo ku hoos jira burburka.Kooxaha gurmadka ayaa isku dayaya inay dad nool kasoo saaraan gawaaridda iyo burburka kale ee ka dhashay buundada duntay.
Wararka laga helayo goobta ayaa sheegaya in la maqlayay cabaadka dadka ku hoos xayiran burburka buundada.
Warbaahinta Talyaaniga ayaa sheegaysa in khubarada dhismaha ay mar hore ku taliyeen in isbedel ballaaran lagu sameeyo buundada Morandi taas oo ay iska indha tireen xukuukamada dalkaasi.
Wasiirka gaadiidka ee Talyaaniga, Danilo Toninelli, ayaa sheegay in musiibadda ka dhacday Genoa ay muujinayso sida ay u liitaan dhismayaasha asaasiga ah ee dalkiisa.
Dhibaatadan ayaa indhaha shacabka Talyaaniga kusoo jeedinaysa xukuumadda wadaaga ah ee haysa talada dalkaasi, taasoo ballanqaaday inay kordhin doonto dhaqaalaha ku baxa dhismayaasha asaasiga ah ayna hormarin doonto mashaariicda horumarineed.
Mashaariic badan oo hormarinta kaabayaasha dhaqaalaha ee Talyaaniga ayaa waxaa hareeyay musuq maasuq iyo ku lug lahaanshaha kooxaha Maafiyada ah dalka talyaaniga ayaa markasta waxaa kusoo noqnoqda hadal haynta musuqmaasuq
Did you like this? Share it:
Heritage : Qatar iyo xulufada Sucuudiga...

Mac-hadka cilmi-baarista siyaasadda ee Heritage ee ku yaala Muqdisho ayaa daraasad cusub kasoo saaray wax uu ku tilmaamay 'gebi-dhaclaynta' siyaasadda arrimaha dibedda ee dowladda federaalka Soomaaliya, wuxuuna mac-hadka soo jeediyay tallooyin 'wax-ku-ool ah'. Gefafkii TaariikhdaDaraasadda waxaa lagu bilaabay gefafkii waaweynaa ee xagga dublamaasiyadda ee taariikhda ka dhacay Soomaaliya, waxaana tusaale loosoo qaatay in markii uu dhacay dagaalkii Soomaaliya iyo Itoobiya sanadkii 1977-dii. Waxaa daraasadda lagu sheegay in waraaqo sir ah oo uu faafiyay bogga seeri-afuufka ee Wiki Leaks uu soo bandhigay caddeymo ku saabsan in xulufadii Soomaaliya ee Sucuudiga, Liibiya iyo Yemen iyo xitaa Maraykanka ay la safteen Itoobiya, taasna ugu wacnayd gefkii dublamaasiyadeed ee ay gashay. "Taas waxa ay jabisay qabkii ama isla qabweyninkii Soomaalida, xukunkii kaligii taliyihii Maxamed Siyaad Barre kama uusan soo kabsan dhibaatadii kasoo gaartay dagaalkii Itoobiya" ayaa lagu yiri daraasadda. "Qudha 40 sano kadib xilligaas, taariikhda ayaa u muuqata in ay markale dib ugu laabanaysa halkii, balse markan waa ay kasii walwal badantahay" ayay daraasadda intaas ku dartay. Khilaafka Khaliijka Daraasadda ayaa aad loogu lafo gurey in go'aankii dhexdhexaadnimada ee ay Soomaaliya ka qaadatay khilaafka dalalka Carabta ee xulufada Sucuudiga oo dhinac ah iyo Qatar oo dhinac. Waxaa lagu sheegay in ay dowladda Soomaaliya loo arkay in ay u janjeerto dalka Qatar, balse ay dad badan la yaabeen, waxa ay ugu xilatay Qatar, kuna lumisay kalsoonida dalalkii xulufada soo jireenka ahaa sida Sucuudiga, Imaaraatka iyo Masar. "Xitaa booqashooyinkii madaxweyne Farmaajo iyo Ra'isulwasaare Xasan Cali Kheyre ay ku tageen Riyadh iyo Dubai ma aysan soo hagaajin xiriirka xumaaday ee Soomaaliya iyo dalalkaas" ayaa lagu yiri daraasadda Heritage, oo intaas ku dartay in Sucuudiga uu Soomaaliya dib ugu soo celiyay 27 kun oo ari ah, xilli lagu dhowyahay munaasabadda Ciidda Carafada oo xoolaha la qalo. Waxaa xusid mudan in tallaabada Sucuudiga ay kusoo hagaagtay maalmo uun kadib markii dowladda Soomaaliya ay la safatay Sucuudiga markii ay is qabteen Canada, go'aankaas oo daraasadda ay ku tilmaamtay mid uu degdeg badan ka muuqday. TallooyinDaraasadda waxaa lagu soo jeediyay tallooyin dhawr ah, waxaase ugu muhiimsan labo talo. Tan koowaad waa in siyaasadda arrimaha dibedda lagu dhiso wax loogu yeeray 'dublamaasiyadda ganacsiga' taas oo ah in go'aamada lagu saleeyo hadba danaha ganacsi ee Soomaaliya. Sucuudiga waxa ay dhoofsadaan inta badan xoolaha Soomaaliya, halka Imaaraatka uu yahay dalka ganacsiga ugu badan ay la leedahay Soomaaliya dalalka adduunka oo dhan. Daraasadda ayaa waxaa lagu sheegay in dhanka kale Qatar aysan jirin wax la taaban karo oo ka dhaxeeya, sidaasi oo ay tahay saamayn badan ay ku yeelatay dowladda Soomaaliya. Tallada labaad ayaa ah in inkasta oo dastuur ahaan dowladda dhexe xaq u leedahay dajinta siyaasadda arrimaha dibedda, haddane ay wanaagsanaan lahayd haddii ay la tashan lahayd dowlad goboleedyada iyo dadka kale ee saamiilayaasha dalka ah.
Jabuuti oo war ka soo saartay xiriirka...

Wasiir Maxamuud ayaa sheegay booqashada Madaxweynaha Soomaaliya uu ku joogo magaalada Jabuuti inay xaqiijineyso xiriirka soo jireenka ah ee ka dhaxeeya labada dal, islamarkaana labada Madaxweyne ay ka wada hadleen arrimo labada dal ku saabsan oo waxyaabihii laga wada hadlayna laga soo saari doono war-murtiyeed.
“Waxaan idin xaqiijinayaa xiriirka Soomaaliya iyo Jabuuti inuu sii ahaan doono mid xooggan, Madaxweyne Farmaajo oo booqasho ku jooga Jabuuti ayaa dhiggiisa Jabuuti wuxuu kala hadlay xiriirka labada dal, waxaanu nahay laba dal oo walaalo ah oo aan si naba u kala maarmin”. Ayuu yiri Wasiirka arrimaha dibadda Jabuuti.
Wuxuu qiray xaaladihii adkaa iyo mad madowgii galay xiriirka labada dal ee Soomaaliya iyo Jabuuti, balse wuxuu kalsooni ka muujiyay in dhammaan arrimahaasi la isku afgartay in laga gudbo.
Xiriirka Jabuuti iyo Soomaaliya ayaa xumaaday, wixii ka dambeeyay markii Madaxweynaha Soomaaliya uu ku baaqay in dalka Eritrea laga qaado cunaqabateynta hubka ee saaran.
Jabuuti ayaa hadalkaasi caro xoogan ka qaaday, waxaana safarka Madaxweynaha uu shalay uu ku gaaray dalkaasi uu la xiriiraa qancinta tabashada reer Jabuuti, ciidamo ka socda Jabuuti ayaa waxa ay joogaan Soomaaliya iyaga oo ku hawlgala magaca AMISOM.
Untitled Document
Ka Dhageyso War Dag Dag Ah Mobile-kaada 001 7127755624TEL Maraykanka 7127755624 Fadlan Hadii aad u baahantahay Macluumaad dheeraad ah naga la soo Xiriira.
Email: dayniilewb@gmail.com TEL 00252618895064
Gaari Lagu Rasaaseeyey Deegaan U Dhow...
Weerarkaas ayaa waxaa la xaqiijiyey in ay ku dhaawacmeen Saddex ruux oo ka mid ahaa rakaabkii saarnaaagariga ,sida ay baahisay Warbaahinta ka howlgasha Gudaha dalka Kenya.
Gaariga la weeraray ayaa marayey agagaarka deegaan lagu Magacaabo wargaduud,waxaana dadkii ku dhaawacmay rasaasta ay ku fureen Kooxaha hubeysan iminka lagu dabiibayaa Isbitaalka guud ee Magalada Mandera ee Gobolka Waqooyi Bari Kenya.
Lama oga sababta ka dambeysay in la rasaaseeyo gaarigaas,iyada oo saraakiisha laamaha amniga Kenya ay sheegeen in ay wadaan baaritaano ku aadan kooxdii ka dambeysay weerarka gaariga Homeyda ah ee ka dhacay deegaan u dhow Magalada Mandera.
Saraakiisha ayaa sidoo kale waxa ay sheegeen in werarkaan uu yahay midkii saddexaad ee dhaca mudo 10cisho gudahood ah,isla markaana ay xoojin doonaan baaritaanada iyo adkeynta dhanka Amniga,mana jirto cid weli sheegatay mas’uuliyada weerarkaas
Waxgaradka iyo beeralayda degmada Beer...
Waxgaradka iyo beeralayda degmada Beer ayaa si kulul uga cawday wasiirka horumarinta Beeraha Somaliland
Waxa Daabacay staff-reporter
on Aug 17th, 2018 and filed under Daily Somali News.
You can follow any responses to this entry through the RSS 2.0.
Both comments and pings are currently closed.
Awdalpress – London – Beeralayda degmada Beer iyo waxgaradka degmadaasi ayaa cabasho ka muujiyey mashruuc ay sheegeen in loogu tala galay degmadaasi, oo waa sida ay sheegeene laga leexiyey. Mashruucaasi oo beera falid ah, ayaa ay odayadu sheegayaan in loogu deeqay degaankaasi.
Maaha cabashadii ugu horreysey ee ay beeralayda Somaliland ka cawdaan wasaaradda Beeraha amma wasiirka laftiisa. Waxana hore uga cawday beeralayda galbeedka Wajaale oo ku cawday in dhul laga qaaday, dhulkaasi oo ay dawladdu qodayso. Laakiin beeralayda Beeri, waxa ay ka cabanayaan mashruuc deeq ah oo beeralayda Beer loogu tala galay in loo leexiyey degaanka Xaaxi.
[embedded content]
Wasiirka beeraha oo beero u qodaya beeralayda degmada Beer.
[embedded content]
Halkan ka daawo sida wasaaradda beeraha Somaliland ay degaanka Xaasi ugu caawilnayso beeralayda looguna qodayo beerahoodii

Awdalpress
This post has been viewed 24 times.