Latest Videos

Gabay SA paglakbay
Thursday, September 19, 2019 - 14:59
Abwaan Khadiijo Ciise"GABAY...
Thursday, September 19, 2019 - 14:59
Abwaan qoor gaab oo gabay utiriyey...
Thursday, September 19, 2019 - 14:59
NEVER HAVE I EVER CHALLENGE (Rated SPG...
Thursday, September 19, 2019 - 13:49
Abwaan weedhsame oo gabay qiirale soo...
Thursday, September 19, 2019 - 10:02
Gabay aad muhiim u ah abwan hadraawi
Thursday, September 19, 2019 - 08:37
Waa muxadaro cusub oo ka hadleysa...
Thursday, September 19, 2019 - 07:09
FANAAN XASHKA O BALBALAARKA GABAY U...
Thursday, September 19, 2019 - 06:15
Muxadaro ku saabsan xaaskii nabi...
Thursday, September 19, 2019 - 05:17
Gabay Bari Samaad Kii Ka Sheekaynaya
Thursday, September 19, 2019 - 00:03
Emprendedores HD - Entrevista a la...
Wednesday, September 18, 2019 - 20:30
Muxadaro cusub 2019|sh mustafa haji...
Wednesday, September 18, 2019 - 17:59
GAlmudug Gabay qiiro badan
Wednesday, September 18, 2019 - 17:58
DORAEMON TAGALOG DUB |#41| Ang anghel...
Wednesday, September 18, 2019 - 16:09
Will ree Burco ah, oo gabay cajiiba ka...
Wednesday, September 18, 2019 - 14:43

Wararkii Cayaaraha

HORUDHAC: Wax waliba oo aad uga baahan...
Thursday, September 19, 2019 - 08:03





(Manchester) 19 Sebt 2019. Kooxaha Manchester United iyo Astana ayaa caawa wada ciyaaraya kulankooda ugu horreeya ee heerka Guruubyada Europa League.
Labada kooxood ee Manchester United iyo Astana ayaa caawa ku kulmaya kulankooda furitaanka Group I ee tartanka Europa League garoonka Old Trafford, koox waliba ayaana eegeysa inay guul ku furato tartankan.Ogeysiiska Ciyaarta:-Tartanka: Europa LeagueTaariikhda: Khamiis, 19 Sept 2019Saacadda ay bilaabaneyso dheesha: 10:00 Habeennimo xilliga geeska Afrika.Garsooraha: Francois Letexier (France)Garoonka: Old TraffordWararka Kooxaha:-
Daniel James ayaa seegi doona kulanka kooxdiisa Manchester United ay wajahayso Astana ee furitaanka Europa League si la mid ah Paul Pogba, Luke Shaw iyo Anthony Martial.
Xiddigan garabka ka ciyaara ee James ayaa jug ay soo gaartay kulanii ay Sabtidii guusha ka gaareen Leicester City waxaana uu seegay tababarkii ugu dambeeyey oo ay kooxdu sameysay Arbacadii, halka Pogba oo canqowga ka dhaawac iyo Shaw oo muruqa ka sheeganaya ay si gaar ah u shaqeynayaan.
Martial oo bowdada ka dhaawac Eric Bailly oo jilibka ka dhaawacan ayaa sidoo kale dhaawacyo la maqnaan doonal, laakiin Jesse Lingard oo xanuunsanaa iyo Diogo Dalot oo misigta dhaawac yar ka qabay ayaa tababarka ku soo laabtay laakiin waxay u badan tahay in la nasin doono kulankan.
Solskjaer ayaa xaqiijiyey in Mason Greenwood, Fred iyo Axel Tuanzebe ay ku soo bilaaban doonaan kulankan, halka uu goolhaye Sergio Romero shabaqa dib ugu soo laaban doono.Xaqiiqooyinka Ciyaarta:-
>- Kani kulankii ugu horreeyey ebid ee tartan rasmi ah oo dhexmara koox Ingiriis ah iyo koox ka socota Kazakhstan.
>- Manchester United ayaa guuldarro la’aa nah (unbeaten) 11-kii kulan ee ugu dambeeyey oo ay ciyaartay tartanka Europa League waxaana ay haystaa 8 guul iyo 3 barbaro, waxaana ay markii ugu dambeysay koobkan ku guuleysteen kal ciyaareedkii 2016-17.
>- Xilli ciyaareedkii ugu dambeeyey Europa League, FC Astana ayaa noqotay kooxdii saddexaad ee la timaada siddeed dhibcood siddeedii kulan ee furitaanka guruubka, laakiin waxa ay ku guuldarreysteen inay u soo baxaan wareegga 16-ka.
>- Manchester United ayaa guuldarro la kulantay labadii kulan ee ugu dambeeyey oo ay garoonkeeda ku ciyaartay tartammada Yurub, marnaba ma dhicin inay khasaaro kula kulanto saddex kulan oo xiriir ah garoonkeeda Old Trafford hadda ka hor.
>- Kaddib markii ay guuldarreysteen lix ka mid ah todobadeedii kulan ee ugu horreysay oo meel ka baxsan garoonkooda ku ciyaareen tartammada Yurub, mid kalena ay barbaro galeen, kooxda Astana ayaa laga badiyay kaliya mid ka mid ah lixdii kulan ee ugu dambeeyay ee ay wadada ku jirtay, waxaana ay la kulmeen labo guul iyo saddex barbaro.Shaxda Macquulka ah ee ay kooxda Manchester United ku soo geli karto kulanka caawa ee Astana:-Man Utd: Romero; Dalot, Jones, Tuanzebe, Rojo; Garner, Fred; Lingard, Gomes, Chong; Greenwood.Gool FM.





Horudhaca kulanka caawa ee Europa...
Thursday, September 19, 2019 - 07:09





(Frankfurt) 19 Sebt 2019. Kooxaha Eintracht Frankfurt iyo Arsenal ayaa caawa wada ciyaaraya kulankooda ugu horreeya ee heerka Guruubyada Europa League.
Macallinka kooxda Eintracht Frankfurt ee Adi Hutter ayaa doonaya inuu soo garaaco caawa Gunners oo marti u ah, isagoo raba inay guul ku daah furtaan tartanka Europa League.
Gunners ayaa kulankii ugu dambeeyey waxa ay barbaro 2-2 ah Watford kula galay Axaddii Vicarage Road, iyadoo xitaa Arsenal ay labada gool la hormartay.
Labada kooxood ee Frankfurt iyo Arsenal ayaa caawa fiidkii ku kulmaya kulankooda furitaanka Group F ee tartanka Europa League garoonka Commerzbank Arena, koox waliba ayaana eegeysa inay guul gaarto.Ogeysiiska Ciyaarta:-Tartanka: Europa LeagueTaariikhda: Khamiis, 19 Sept 2019Saacadda ay bilaabaneyso dheesha: 7:55 Fiidnimo xilliga geeska Afrika.Garsooraha: Davide Massa (ITA)Garoonka: Commerzbank ArenaWararka Kooxaha:-
Eintracht  ayaa heli doonin kulankan adeegga Mijat Gacinovic, kaasoo ku dhaawacmay tababarka todobaadkii la soo dhaafay, halka ciyaaryahankii hore ee kooxda Swansea City, Jonathan de Guzman uu isaguna ku seegayo kulankan  dhaawac muruqa ah.
Marco Russ ayaa isaguna aan ka soo muuqan doonin kulankan waxaana uu daafacan halyeyga ah la dhibtoonayaa dhaawac seedda dambe ee lugta uu ka qabo, halka Sebastian Rode iyo Goncalo Paciencia uu labadoodaba shaki ku jiro kulankan.
Dhinaca kale Arsenal waxaa kulankan ka maqnaan doona Mesut Ozil iyo Sokratis Papastathopoulos kuwaasoo aan qeyb ka ahayd safkii kooxda reer London ay ku tagtay Eintracht Frankfurt.
Labadan ciyaaryahan ayaa looga tagay gurigooda iyadoo macallinka kooxdaas ee Unai Emery uu sheegay inuu uga soo tagay inuu nasiino siiyo labadaan xiddig ee Ozil iyo Sokratis.
Weeraryahanka reer France ee Alexandre Lacazette ayaa isaguna ka maqnaanaya kulankan kooxda Arsenal, waxaana uu qabaa dhaawac canqowga ah.
Macallinka Gunners ee Unai Emery ayay u badan tahay inuu xoogaa isbedel ah ku sameyn doono shaxdiisa maadaama uu shaxdiisa dib ugu soo laabtay Rob Holding, markii ugu horreysay tan iyo bishii December, kaddib markii uu ka soo kabsaday dhaawac jilibka ah, inkastoo Konstantinos Mavropanos iyo Kieran Tierney oo labaduba dhaawac gumaarka ah qaba iyo Hector Bellerin oo jilibka ka dhaawac ay seegayaan kulankan.Xaqiiqooyinka Ciyaarta:-
>- Kani waxa uu noqonayaa kulankii ugu horreeyey ee tartan rasmi ah oo dhexmara kooxaha Eintracht Frankfurt iyo Arsenal.
>- Frankfurt ayaa saddexdii kulan ee ugu dambeeyey oo ay ka hortimid kooxaha England ka socda waxa ay ku dhammaadeen barbaro, kooxda reer Jarmal ayaana barbaro 1-1 la gashay Chelsea labadii lugood oo ay la ciyaartay Chelsea xilli ciyaareedkii hore semi-final-ka tartanka Europa League, ka hor inta aan rigooreyaal lagu reebin.
>- Arsenal ayaa khasaaro la kulantay afartii kulan ee ugu dambeeyey oo ay meel ka baxsan garoonkeeda kula ciyaartay kooxaha ka socda Jarmalka, waxaana ay dhalisay labo gool iyadoo laga dhaliyey 13 gool.
>- Champions League iyo Europa League marka la isku daro, Arsenal lagama ciribtirin ama laguma reebin wareegga koowaad ee Guruubyada tan iyo kal ciyaareedkii 1999-2000 ee Champions League.
>- Iyadoo xisaabta lagu darayo isreeb-reebyada kooxda  Eintracht Frankfurt ayaa guuldarro la’aan ah (unbeaten) 16-kii kulan ee ugu dambeysay oo ay tartammada Yurub ku ciyaartay garoonkeeda, waxaana ay haysataa 12 guul iyo 4 barbaro, tan iyo guuldarro 1-2 oo gurigeeda ku soo gaartay kooxda Palermo kal ciyaareedkii 2006-07 ee UEFA Cup.Shaxda Macquulka ah ee Kooxda Arsenal ku soo geli karto kulankan:-Arsenal: Leno; Maitland-Niles, Luiz, Chambers, Kolasinac; Willock, Torreira, Ceballos; Willock, Nelson, Aubameyang.Gool FM.





Kooxaha Atletico Madrid iyo Juventus oo...
Wednesday, September 18, 2019 - 22:22





(Madrid) 18 Sebt 2019. Kooxaha Atletico Madrid iyo Juventus ayaa dhibcaha ku kala qeybsaday garoonka Wanda Metropolitano kulankeeda ugu horeeyay GROUP D ee tartanka Champions League, kaddib markii ay ku kala baxeen barbaro 2-2 ah.
Qeybta hore ee ciyaarta ayaa lagu kala nastay 0-0 ay isku dhaafi waayeen labada kooxood Atletico Madrid iyo Juventus.
Marka dib leysugu soo laabtay qeybta labaad ee dheesha labada kooxood ayaa waxay garoonka ku soo galeen dardar xoogan, iyagoo sameeyay fursado cajiib ah ee goolal loo filan karay.
Daqiiqadii 48-aad kooxda martida aheyd ee Juventus ayaa hogaanka u qabatay ciyaarta, waxaana 0-1 ka dhigay Juan Cuadrado, iyadoo uu goolkan ka caawiyay saaxiibkiis reer Argantina ee Gonzalo Higuain.
Blaise Matuidi ayaa daqiiqadii 65-aad ciyaarta ka dhigay 0-2 ay ku hogaamineyso Juvenus, kaddib markii uu goolkan ka caawiyay Alex Sandro.
Laakiin daqiiqadii 70-aad Atletico Madrid ayaa la timid gool, waxaana ciyaarta 1-2 ka dhigay Stefan Savic oo caawinta goolkan ka helay saaxiibkiis Jose Gimenez.
Daqiiqadii 90-aad Hector Herrera ayaa ciyaarta ka dhigay barbaro 2-2 ah, waxaana  goolkan caawiyay Kieran Trippier
Ugu dambeyntii ciyaarta ayaa ku soo idlaatay barbaro 2-2 ah ay isku dhaafi waayeen labada kooxood Atletico Madrid iyo Juventus.SAWIRRO:Gool FM.





Paris Saint-Germain oo cashir u dhigtay...
Wednesday, September 18, 2019 - 22:22





(Paris) 18 Sebt 2019. Paris Saint-Germain ayaa guul ay u qalantay kaga gaartay Real Madrid kulankeeda ugu horeeyay GROUP A ee tartanka Champions League, kaddib markii ay kaga adkaatay 3-0
Qeybta hore ee ciyaarta ayaa lagu kala nastay 2-0 ay ku hogaamineysay kooxda martida loo ahaa ee PSG.
Daqiiqadii 14-aad Angel Di Maria ayaa hogaanka u dhiibay kooxdiisa Paris Saint-Germain wuxuuna ciyaarta ka dhigay 1-0, kaddib markii uu goolkan ka caawiyay saaxiibkiis Juan Bernat.
Markale Angel Di Maria ayaa gaaray shabaqa kooxda Real Madrid daqiiqadii 33-aad, wuxuuna dheesha ka dhigay 2-0, waxaana goolkan ka caawiyay saaxiibkiis Idrissa Gana Gueye.
Marka dib leysugu soo laabtay qeybta labaad ee dheesha labada kooxood ayaa waxay garoonka ku soo galeen dardar xoogan, iyagoo sameeyay fursado cajiib ah ee goolal loo filan karay.
Thomas Meunier oo caawin ka helay saaxiibkiis Juan Bernat ayaa daqiiqadii 90-aad si toos ah u niyadjabiyay kooxda Real Madrid wuxuuna ciyaarta ka dhigay 3-0.
Ugu dambeyntii ciyaarta ayaa ku soo idlaatay 3-0 ay ku adkaatay kooxda martida loo ahaa ee Paris Saint-Germain.SAWIRRO:Gool FM.





Manchester City oo guul raaxo leh ka...
Wednesday, September 18, 2019 - 22:22





(Madrid) 18 Sebt 2019. Kooxda kubadda cagta ee Manchester City ayaa guul raaxo leh ka soo gaartay Shakhtar Donetsk ay ku booqdeen Stadion Metalist, kulankeeda ugu horeeyay GROUP A ee tartanka Champions League, kaddib markii ay ku garaaceen 0-3.
Qeybta hore ee ciyaarta ayaa lagu kala nastay 2-0 ay ku hogaamineysay kooxda martida aheyd ee Manchester City.
Daqiiqadii 24-aad Riyad Mahrez ayaa hogaanka u dhiibay kooxdiisa Manchester City wuxuuna dheesha ka dhigay 1-0. kaddib markii uu goolkan ka caawiyay saaxiibkiis Ilkay Guendogan.
Markale daqiiqadii 38-aad Manchester City ayaa hogaanka dheereysatay, waxaana ciyaarta 2-0 ka dhigay Ilkay Guendogan, waxaana markiisa goolkan ka caawiyay Riyad Mahrez.
Marka dib leysugu soo laabtay qeybta labaad ee dheesha labada kooxood ayaa waxay garoonka ku soo galeen dardar xoogan, iyagoo sameeyay fursado cajiib ah ee goolal loo filan karay.
Daqiiqadii 76-aad Gabriel Jesus ayaa hogaanka u sii dheereeyay Man City, wuxuuna dheesha ka dhigay 0-3, waxaana goolkan ka caawiyay Kevin De Bruyne.
Ugu dambeyntii ciyaarta ayaa ku soo idlaatay ayaa waxay ku soo dhamaatay 0-3 ay guusha ku raacday kooxda martida aheyd ee Man City.SAWIRRO:Gool FM.





Shaxda rasmiga ah kulanka kooxaha...
Wednesday, September 18, 2019 - 19:25





(Ukrain) 18 Sebt 2019. Waxaa la shaaciyey safafka rasmiga ah oo ay garoonka ku soo geli doonaan kooxaha Shakhtar Donetsk iyo Man City kulanka goor dhow soo gali doona ee tartanka Champions League.Hadaba dhanka hoose kaga boggo Shaxda rasmiga ee kooxaha Shakhtar Donetsk iyo Man City:Shakhtar Donetsk XI:Man City:Gool FM.





Shaxda rasmiga ah kulanka kooxaha...
Wednesday, September 18, 2019 - 19:25





(Madrid) 18 Sebt 2019. Waxaa la shaaciyey safafka rasmiga ah oo ay garoonka ku soo geli doonaan kooxaha Atletico Madrid iyo Juventus kulanka goor dhow soo gali doona ee tartanka Champions League.Hadaba dhanka hoose kaga boggo Shaxda rasmiga ee kooxaha Atletico Madrid iyo Juventus:Atletico Madrid XI:Juventus XI:Gool FM:





Shaxda rasmiga ah kulanka kooxaha PSG...
Wednesday, September 18, 2019 - 19:25





(Paris) 18 Sebt 2019. Waxaa la shaaciyey safafka rasmiga ah oo ay garoonka ku soo geli doonaan kooxaha PSG iyo Real Madrid kulanka goor dhow soo gali doona ee tartanka Champions League.Hadaba dhanka hoose kaga boggo Shaxda rasmiga ee kooxaha PSG iyo Real Madrid:PSG XI:Real Madrid XI:Gool FM:





Arsenal oo ku dhawaaqay liiska...
Wednesday, September 18, 2019 - 18:39





(London) 18 Sebt 2019. Waxaa la shaaciyey liiska 19-ka ciyaaryahan ee kooxda kubadda cagta Arsenal ay u la safeyso dalka Jarmalka ka hor kulankeeda habeen dambe, halkaasoo ay naadiga Eintracht Frankfurt kula soo ciyaareyso kulankeeda furitaanka heerka guruubyada Europa League.
Gunners ayaa liiska ay magacawday waxaa ka maqan oo aan lagu darin laacibkeeda khadka dhexe ee Mesut Ozil iyo daafaceeda Sokratis, waxaana weli la shaacinin sababta ay u seegayaan kulanka habeen danbe ee Europa League.
Yeelkeede, Jamaahiirta kooxda Arsenal ayaa helaya war farxad leh waxaana dib ugu soo laabtay oo liiskan ka soo muuqday daafacooda dhexe ee Rob Holding, kaasoo muddo dhaawac la maqnaa.
Weeraryahanka reer France ee Alexandre Lacazette ayaa dhaawac ku seegaya kulanka habeen dambe ka dhacaya Jarmalka, balse waxaa weerarka Arsenal hoggaamin doonaa kulankaas Pierre-Emerick Aubameyang iyo Nicolas Pepe.Haddaba halkaan hoose ka eeg liiska 19-ka xiddig ee ay Arsenal ula safreyso dalka Jarmalka:-
Bernd Leno, Emiliano Martinez, Maitland-Niles, Calum Chambers, Skhodran Mustafi, Rob Holding, David Luiz, Saed Kolasinac, Guendouzi, Torreira, Willock, Granit Xhaka, Dani Ceballos, Smith Rowe, Martinelli, Nelson, Nicolas Pepe, Bukayo Saka, Pierre-Emerick Aubameyang.Gool FM.





RASMI: Daafaca Victor Lindelof oo...
Wednesday, September 18, 2019 - 17:58





(Manchester) 18 Sebt 2019. Daafaca kooxda kubadda cagta Manchester United ee Victor Lindelof ayaa saxiixay heshiis cusub oo ku eg illaa xagaaga 2024-ka, isagoo dooq u haysta inuu sanad kale ku darsan karo.
Xiddiga xulka qaranka Sweden oo 25 sano jir ah ayaa 74 kulan u saftay kooxda Man United tan iyo markii uu kaga soo biiray naadiga Benfica oo ay kaga soo qaateen 31 milyan oo gini bishii June ee sanadkii 2017-kii.
Lindelof ayaa ku soo bilowday safka hore kulan waliba oo ay Man United ciyaartay illaa iyo hadda xilli ciyaareedkan, waxaana uu ka garab ciyaarayay daafaca ugu qaalisan adduunka ee Harry Maguire kaasoo xagaagii ay United kula soo saxiixatay 80 milyan oo gini.
Lindelof ayaa markii uu heshiiskan cusub qalinka ku duugay waxa uu yiri: “Tan iyo maalintii aan imid United waxaan dareemayaa sida inaan joogo Gurigeyga”
“Waxaan si weyn ugu koray labadaba ciyaaryahan ahaan iyo shaqsi ahaan labadii sano ee la soo dhaafay.”
Waa ciyaaryahankii labaad ee mustaqbalkiisa u hibeeya Manchester United isbuucaan kaddib markii uu qandaraas waqti dheer uu Isniintii u saxiixay kooxda Goolhaye David de Gea.Gool FM.





Cristiano Ronaldo oo shaaca ka qaaday...
Wednesday, September 18, 2019 - 15:30





(Yurub) 18 Sebt 2019. Xidigga kooxda Juventus iyo Xulka qaranka Portugal ee Cristiano Ronaldo ayaa waxaa wareysi dhinacyo badan taabanaya siiyay barnaamijka (Good Morning Britain) ee uu daadihiyo Piers Morgan kaasoo ka baxa ITV.
CR7 ayaa wareysigaan waxaa lagu weydiiyey waxyaabo badan oo noloshiisa gaarka ah quseeya, waxaana ka mid ahayd wax ka jira inuu hooyadiis ka mamnuucay daawashada ciyaaraha.
Cristiano Ronaldo ayaa shaaca ka qaaday in hooyadiis ay labo jeer suuxday mar ay daawaneysay kulammada waa weyn, sidaasi awgeed uu haatan ka mamnuucay inay ciyaaraha daawato.
Isagoo ka hadlay arrintaas CR7 ayaa yiri: “Waxay noqotaa mid walwalsan marka ay daawaneyso ciyaaraheyga, mana fahamsani sababta, haatan uma ogolaado inay daawato kulammada waa weyn.”
“Waxaan leeyahay saaxiibo iyada la jooga, waxaana ay ku dhex socotaa guriga, waxa ay labo jeer ku dhex suuxday garoonka, aad ayay u walwashaa.”
Ronaldo ayaana hadalkiisa ku soo xiray: “Aabbe la’aan ayaa ahay haatan ma doonayo inaan hooyo la’aan noqdo, sidaasi darteed waxaan u sheegay inaysan daawanin kulammada waa weyn sida afar dhammaadka (Semi-finalka) iyo kama dambeysyada (final-ka).Gool FM.





Cristiano Ronaldo oo ilmada ceshan...
Wednesday, September 18, 2019 - 14:43





(Yurub) 18 Sebt 2019. Xidigga kooxda Juventus iyo xulka qaranka Portugal, Cristiano Ronaldo ayaa waxaa wareysi dhinacyo badan taabanaya uu siiyay barnaamijka (Good Morning Britain) ee uu daadihiyo Piers Morgan kaasoo ka baxa ITV.
CR7 ayaa wareysigaan waxaa lagu weydiiyey waxyaabo badan oo noloshiisa gaarka ah quseeya.
Cristiano Ronaldo ayaa ilinta ceshan waayey kaddib markii loo daaray muuqaalka Aabihiis, waxaana kabtanka xulka qaranka Portugal uu sheegay in Aabihiis oo Khamri cabe ahaa uusan fursad u helin inuu arko isagoo xiddig weyn noqday.
Waxa uu hadalkiisa intaa ku daray Ronaldo inuusan si fiican u garaneynin Aabihiis oo askari hore ahaa laguna magacaabi jiray Denis ka hor inta uusan geeriyoon sanadkii 2005 isagoo 52 sano jir ahaa.
“Xaqiiqdii Aabaheeyuma aqaano si 100% ah, waxa uu ahaa mar walba qof cabsan, waligeey wadahadal caadi ah lama yeelan, aad ayay iigu adkeyd” ayuu yiri Ronaldo.
Markaas kaddib Ronaldo ayaa loo daaray muuqaal laga duubay Aabihiis oo Wareysi ka bixinaya wiilkiisa ka hor tartankii Euro 2004 ee lagu qabtay dalka Portugal, Cristiano Ronaldo ayaana ooyin jabsaday oo ilinta isku celin waayay markii uu maqlay Aabihiis oo ku faanaya isaga.
Waxaa la weydiiyey Ronaldo waxa ay ka dhigay mid murugoonaya ama qiiroonaya marka uu soo xusuusto Aabihiis kaasoo ay saameyn ku yeelatay dagaalladii uu ka galay qaaradda Afrika gaar ahaan Waddamada Mozambique iyo Angola.
“Inaan ahay xiddiga koowaad, mana uusan helin fursad uu ku arko, ma uusan helin fursad uu ku arko abaal-marinnada aan helayo iyo waxa aan noqday, qoyskeyga waa ay arkeen, hooyadeed, walaalaheey, xitaa wiilkeyga iigu wayn, laakiin Aabaheey waxba ma uusan arkin, isagoo dhallin yar ayuu geeriyooday.” ayuu yiri xiddiga kooxda Juventus ee CR7.Gool FM.





Ronaldo oo sharaxay waxa uu doonayo...
Wednesday, September 18, 2019 - 10:41





(Yurub) 18 Sebt 2019. Cristiano Ronaldo ayaa raadinaya inuu kubadda cagta ku soo gabagabeeyo isagoo heysta abaal-marino Ballon d’Or ee ka badan inta uu heysto kabtanka xulka qaranka Argntina iyo kooxda Barcelona ee Lionel Messi.
Dhinca kale weeraryhanka reer Portugal iyo kooxda Juventus ee Cristiano Ronaldo ayaa tilmaamay inuu u qalmo inuu gaaro guushan kahor inta uusan ka fariisan kubadda cagta.
Xiddigaha Lionel Messi iyo Cristiano Ronaldo ayaa ku wada guuleystay min 5 jeer abaal-marino Ballon d’Or, iyadoo ay markale sanadkan si xoogan ugu dagaalami doonaan, waxaana loolanka ku wehliya daafaca kooxda Liverpool ee Virgil van Dijk.
Wareysi uu siiyay Cristiano Ronaldo “Piers Morgan” ayaa inta lagu gudi jiray wuxuu ku sheegay:
“Tartamaaga ugu fiican ee aan wajahay waa Lionel Messi, wuxuu igu riixay inaan noqdo ciyaaryahan fiican, anigana sidoo kale waxaan ka dhigay inuu noqdo ciyaaryahan fiican, waa shaqsi iyo laacib aad u fiican, waa taariikhda kubadda cagta”.
Intaas kaddib Cristiano Ronaldo ayaa la weydiiyay su’aal aheyd guusha uu doonayo inuu gaaro kahor inta uusan ka fariisan kubadda cagta wuxuuna ku jawaabay:
“Waxaan doonayaa inaan noqdo xiddiga ugu badan ee ku guuleysta abaal-marinta Ballon d’Or, waan jeclaan lahaa arrintaas, waxaana u maleynayaa inaan u qalmo”.
“Aniga ahaan, waxaan ahay lambarka koowaad ee taariikhda, laakiin taageerayaasha qaar, haddii lambarka koowaad ay u arkaan ciyaaryahan kale, waxaan ahay kan labaad,  waan ogahay inaan ku jiro taariikhda kubbada cagta, isla markaana aan ka mid ahay ciyaartoyda ugu weyneyd ee abid”.Gool FM.





Kooxda Barcelona oo ka hadashay nooca...
Wednesday, September 18, 2019 - 10:08





(Barcelona) 18 Sebt 2019. Kooxda kubadda cagta Barcelona ayaa shaacisay nooca uu yahay dhaawaca soo gaaray xiddiga reer Spain ee Jordi Alba inta lagu gudi jiray kulankii xalay ee taranka Champions League.
Kooxaha Borussia Dortmund iyo Barcelona ayaa dhibacaha ku kala qeybsaday garoonka Signal Iduna Park, kulankoodii furitaanka wareega group-yada tartanka Champions League ee xilli ciyaareedkan kaddib markii ay ku kala baxeen barbaro 0-0 ah.
Haddaba naadiga reer Catalan ayaa war rasmi ah ay ka soo saareen xaalada Jordi Alba ayaa waxay ku sheegeen inuu dhaawac ka soo gaaray muruqa lugta bidix.
Kooxda Barcelona ayaa bayaankan ay soo saartay waxay ku sheegtay in Jordi Alba uu mari doono baadhitaano caafimaad oo dhameystiran maanta oo Arbaco ah, si loo go’aamiyo heerka saxda ah uu gaarsiisan yahay dhaawaciisa.
Alba ayaa awoodi waayay inuu sii ciyaaro kulankii xalay ka dhacay garoonka Signal Iduna Park, kaddib dhaawaca soo gaaray qeybta hore ee dheesha, wuxuuna ugu dambeyntii ku qasbanaaday tababare Ernesto Valverde inuu ciyaarta ka saaro daqiiqadii 40-aad, si badalkiisa uu u keensado Sergi Roberto.Gool FM.





Simeone oo amaan ugu qubeeyay Ronaldo...
Wednesday, September 18, 2019 - 09:16





(Madrid) 18 Sebt 2019. Macalinka kooxda Atlético Madrid ee Diego Simeone ayaa tilmaamay in Cristiano Ronaldo uu bahal ku yahay afaafka hor ee goolka, wuxuuna hadalkiisan imaanayaa shir jaraa’id uu ka soo muuqday kahor ciyaarta ay caawa labada kooxood  ku ciyaari doonaan taranka Champions League.
Garoonka Wanda Metropolitano ayaa caawa marti galin doono kulanka la wada sugayo caawa ay labada kooxood Atlético Madrid iyo Juventus kaga daah furan doonaan heerka group-yada taranka Champions League ee xilli ciyaareedkan.
Macalinka reer Argantina ee Diego Simeone ayaa shir jaraa’id uu ka soo muuqday kahor ciyaarta caawa waxaa hadaladiisa ka mid ahaa:
“Juventus, qof kasta oo uu tababarahu yahay, had iyo jeer waa koox tartameysa, waa koox xoogan, xilli kasta waxay ku tiirsan yihiin ciyaartoy tayo xoogan leh”.
Intaas kaddib Diego Simeone ayaa wuxuu ka hadlay guuldaradii ay kala kulmeen xilli ciyaareedkii hore wuxuuna yiri:
“Wixii faahfaahin ah waxaan kala hadalnay ciyaartoyda, kama hor sheegi doono warbaahinta, laakiin waxaa jira waxyaabo ay tahay in la wanaajiyo”.
Ugu dambeyntii Diego Simeone ayaa wuxuu hadalkiisa ku soo xiray ka hadalka weeraryahanka reer Portugal ee Cristiano Ronaldo wuxuuna yiri:
“Wey adag tahay in wax laga qabto ciyaartoy isaga oo kale ah, wuxuu bahal ku yahay goolka hortiisa, marka uu kubadda heysto wuxuu abuuraa halis, mana sahlana inaad xakameyso isaga”.Gool FM.