Dowladda Ugandha oo xukuntay laba ruux oo ku eedeysnaa qaraxyadii Kampala ka dhacay sanadkii hore
Maxkamadda sare ee dalka Uganda ayaa Labo ruux oo ku eedeysnaa in ay ka qayb qaateen qaraxyadii ka dhacay magaalada Kampala ee caasimadda waddankaasi waxa ay ku xukuntay Shan iyo Labaatan sano oo xarig ah.
Labadaas ruux ee lagu eedeeyay inay ku lug lahaayeen qaraxyo lala eegtay dad shacab ah oo magaalada Kambala ku daawanayay Telefishin soo daayay ciyaartii kama danbaysta ahayd ee koobka adduunka ayaa waxaa magacyadooda lagu kala sheegay Edris Nsubuga iyo Muhamoud Mugisha oo lagu xukumay xabsi gaaraya 25-sano.
Guddoomiyaha Maxkamadda sare ee dalka Uganda ayaa sheegay in labada ruux maxkamadayntooda ay xigi doonta mid kale oo maalmaha soo socda la soo taagayo 12-ruux oo iyagana la sheegay in ay wax ogaayeen qaraxyadii Kampala.
Dadka ay dowladda Uganda u soo qabqabtay falkaasi waxaa ku jiray dhowr ruux oo Soomaali keenyaan ah, kuwaasi oo qaarkood markii dembiga lagu waayay la iska sii daayay, waxaana qaraxyadaasi ku dhintay dad gaaraya 76-ruux.

















Comments
Post new comment