Ciyaartooy Soomaaliyeed Oo U Ambabaxday Dalka Imaaraadka “Daawo Sawirro”

Xaflad lagu sagootinayay 4-ciyaar yahan oo ka qeyb gali doono  tartan ka furmaya dalka isutaga Imaaraadka Carabta, oo ku saabsan tartan cayaaro fudud ah oo sanadkiiba mar la qabto, kaa oo ay soo qaban qaabisay xiriirka Yaaf ayaa shalay lagu qabtay magaalada Muqdisho.
Xafladaani sagootinta ah oo ay  soo qaban qaabiyeen xiriirka Soomaaliyeed ee cayaaraha fudud ayaa waxaa ka soo qeybgalay gudoomiyaha gudigda olambikada Soomaaliyeed iyo dhamaan xiriirada qeybbaheeda kala duwan, waxaana munaasabadaani sidoo kale ku jirtay mid lagu soo dhaweynayay Guddomiye ku-xigeenka xiriirka Soomaaliyeed ee ciyaaraha fudud C/laahi Maxamed saney iyo madax kale uu hogaaminayay
Waxaa goobta hadal ka jeediyey  C/laahi Maxamed Saney oo ah Guddomiye ku-xigeenka  cayaaraha fudud  oo wax lagu farxo ku tilmaamay  in uu markaliya horyimaada  gudigga olambikada Soomaaliyeed  iyo xiriiradiisa oo dhan,  waxaana uu  dhinaca kale ladar daarmay cayaartoyda  in ay muujiyaan karti iyo niyad samiba, si ay ugu guuleystaan tartankaasi oo 26-ka bishaan ka furmaya dalka Isutaga Imaaraadka carabta.
Sidoo kale  Marwo Qadiijo Aadan Daahir oo ah ku-simaha  guddoomiyaha  xiriirka Soomaaliyeed ee cayaaraha fudud  oo iyana munaasabadasi sagootinta ah ka hashay ayaa shaacisay in cayaartooyda  ka tirsan cayaaraha fudud  in ay yihiin kuwa u dhabar adeegay  in ay meel wanaagsan  ka gaari doonaan mustaqbalkooda  dambe,  waxaana ay u rajeysay in ay soo hooyaan guul.
Ugu dambeentiina  waxaa xafladaasi  soo gaba gabeeyay  guddoomiyaha Gudigga Olambikada Soomaaliyeed  Mudane Aadan Xaaji Yabarow Wiish  oo ku amaanay  dadaallada ay wadaan  xiriirada kala duwan ee dalka ka jira,   waxa uuna u mahad celiyay  xiriirka cayaaraha fudud oo ku tilaabsaday  shaqo muhiim ah. isagoo cambaareen dusha kaga tuuray dadka doonaya  in ay hoos u dhigaan isboortiga dalka  oo ku talaabsaday  horumar weyn
Guddoomiyaha  waxa uu xusay  in ay diyaar u yihiin la shaqeynta cidwalbo oo diyaar u ah in ay kaqeyb qaadato  horumarka isboortiga dalka.
Afartaasi cayaaryahan ee ka tirsan xiriirka cayaaraha fudud ayaa maanta u ambabaxay dalka isutaga Imaaraadka Carabta, si ay uga qayb qaataan tartanta halkaasi ka furmaya 26-ka oo ku beegan maalinta Arbacada.