Latest Videos

Tababare Solskjær oo si adag ugu jawaabay rabitaanka Paul Pogba ee u dhaqaaqista Real Madrid
Friday, October 16, 2020 - 14:09
(Manchester) 16 Okt 2020. Tababaraha reer Norway iyo kooxda Manchester United ee Ole Gunnar Solskjær ayaa xaqiijiyay inuu kalsooni buuxda ku qabo sii joogitaanka Paul Poga ee Red Devils ilaa dhamaadka qandaraaskiisa ugu yaraan.
Magaca Paul Pogba ayaa lala xiriiriyay u dhaqaaqistiisa kooxda Real Madrid, kaddib markii uu laacibka reer France sheegay in ka badan hal jeer riyadiisa ah inuu ka ciyaaro Los Blancos maalin uun.
Sida laga soo xigtay shabakada “Goal” Tababaraha reer Norway iyo kooxda Manchester United ee Ole Gunnar Solskjær ayaa wareysi uu bixiyay wuxuu ku sheegay:
“Paul Pogba waa ciyaaryahan u ciyaara kooxda Manchester United laba sano oo kale”.
“Waan hubaa in Paul Pogba uu kaliya diirada saarayo sidii uu noogu sameyn lahaa waxa ugu fiican”.
”Waxaan ku kalsoonahay in aan ka faa’iidaysan doono Paul Pogba labada sano ee soo socota” ayuu yiri tababare Ole Gunnar Solskjær.Gool FM.
Ray Hudson oo tilmaamay in James Milner uu la mid yahay halyeeyga kooxda Inter Milan
Friday, October 16, 2020 - 13:39
(Yurub) 16 Okt 2020. Tababarihii hore ee kooxda Inter Milan, ahna khabiir ku xeel dheer kubadda cagta Ingariiska ee Ray Hudson ayaa sheegay inay isku mid yihiin James Milner iyo halyeeyga Nerazzurri ee Javier Zanetti.
Ray Hudson ayaa wareysi uu bixiyay wuxuu ku sheegay:
“Javier Zanetti lama uusan saxiixin waqtigaas Inter maxaa yeelay wuxuu ahaa ciyaaryahan weyn, sababtoo ah Inter waxay dooneysay inay la soo saxiixato weeraryahan la yiraahdo Sebastian Rembert, Zanetti wuxuu qeyb ka ahaa heshiiska”.
“Ma uusan lahayn wax boos ah ama xiddignimo marka uu imaanayay Inter, laakiin waxaa ii cadaatay inuu leeyahay awood aan caadi aheyn marka loo eego awooda jir ahaaneed, qofka kaliya ee kale ee aan la soo shaqeeyay isla markaana leh awooda jireed waa James Milner”.
”Haa, waxa uu la mid ahaa xiddiga Liverpool, waxa uu lahaa awood jir ahaaneed oo cajiib ah oo uu ku ordi karo waligiisna isma dhiibin, kubaddaha ayaa lagu ciyaarayay hortiisa ama meel fog waxaana u maleynayay in uu kubadda luminayo laakiin wuxuu ahaa mid la macaamilo arrintaas, wuuna sii fiicnaaday muddo kaddib”.
“Wuxuu iska dhigay laacibka uu haatan yahay, sababtoo ah wuxuu ahaa xiddig kubadd sameeye ah, sidoo kale wuxuu ahaa mid xikmad badan oo og waxa uu sameyn karo iyo waxa uusan sameyn Karin”.
“Waxaan jeclaan lahaa inaan si toos ah u tilmaamo isku ekaanshaha weyn ee u dhexeeya Zanetti iyo James Milner, kaasoo isla shaqadaas oo kale ka qabtay kooxda Liverpool”.Gool FM.
Timo Werner oo ka hadlay farqiga u dhexeeya labada horyaal ee Premier League iyo Bundesliga
Friday, October 16, 2020 - 10:07
(London) 16 Okt 2020. Weeraryahanka kooxda Chelsea iyo xulka qaranka Germany ee Timo Werner ayaa qeexay farqiga u dhexeeya horyaalada Ingiriiska iyo Jarmalka.
24 jirkaan ayaa u dhaqaaqay kooxda reer London ee Chelsea xagaagii la soo dhaafay isagoo ka kaga soo biiray naadiga RB Leipzig aduun dhan 53 million euros.
Sida uu daabacay wargeyska “Goal” ee dalka England Timo Werner ayaa wareysi uu bixiyay wuxuu ku sheegay:
“Aniga ahaan, waa riyo ii rumowday waqti yar gudahood, inaan imaado oo aan ka ciyaaro haatan horyaalka ugu weyn adduunka oo dhan”.
“Dabcan, cunug ahaan, ma arkaysid kooxo badan oo Premier League ah, laakiin waxaad arkaysaa kooxaha Champions League, sida Chelsea iyo Manchester United, kuwani waxay ahaayeen kooxihii wax badan ku guuleysanayay”.
“Waxaad arki kartaa Cristiano Ronaldo oo daa’yar ah, ama halkan Chelsea Didier Drogba iyo sidoo kale Frank Lampard, tababaraha, halyeeyo badan ayey halkan ku leeyihiin kooxda”.
“Markaad timaaddo kooxdii ay u ciyaarayeen oo aad arki jirtay adigoo caruur ah sida Ashley Cole, Frank Lampard iyo Petr Čech, waxaad dhaheysaa (Waa waali, aniga ayaa hadda iyaga la jooga).
Intaas kaddib Timo Werner ayaa ka hadlay farqiga u dhexeeya horyaalada Premier League iyo Bundesliga, wuxuuna yiri:
“Xaallada waxay aheyd xoogaa wax adag taageero la’aan waayo waxaan u maleynayaa in taageerayaasha England ay door muhiim ah ciyaarayaan, gaar ahaan halkan, inta ay socoto ciyaarta oo dhan”.
“Way ka duwan tahay maxaa yeelay Jarmalka marwalba way heesaan oo baashaalaan, laakiin halkan waxaa jira kala duwanaansho badan, waxay daawadaan ciyaarta waxayna la falgalaan marka aad fursad ama gool dhaliso, dareenkani waa mid gaar ah”.
“Waxaan sidaas ku dareemay Leipzig markii aan la ciyaareynay Tottenham, waxay ahayd dareen waali ah, wuxuu ahaa dareen ka duwan kan Bundesliga”.Gool FM.
Waa sidee xaallada dhaawaca ee Sergio Aguero kahor kulanka la wada sugayo ee Arsenal?
Friday, October 16, 2020 - 09:35
(Manchester) 16 Okt 2020. Weeraryahanka kooxda Manchester City ee Sergio Aguero ayaa ku dhow inuu ku soo laabto garoomada kaddib muddo dheer oo uu maqnaa dhowr bilood, kaddib markii uu maray qalliin jilibka ah oo ka hor istaagay inuu ka soo muuqdo kooxdiisa bilowgii xilli ciyaareedkan.
Manchester City ayaa isku diyaarineysa inay ku wajahdo Arsenal kulamada Isbuuca lixaad ee horyaalka Premier League, waana kulan ay wiilasha Pep Guardiola rajeynayaan inay guul gaaraan isla markaana ay u dhaqaaqaan dhanka hogaanka.
Aguero ayaa dib uga soo muuqday tababarka guud ee saaxiibadiis kooxda Manchester City tan iyo bilowgii todobaadkan, kaddib markii uu dhameystiray Isbuucii la soo dhaafay tababarrkii shaqsiyeed taas oo qayb ka ah barnaamijkiisa soo kabashada.
Sida laga soo xigtay shabakada reer Argentine ee “Tyc”, Sergio Aguero ayaa diyaar u ah inuu ka qayb galo kulanka Arsenal ee sabtida, waxaana si weyn loogu badinayaa inuu ku jiri doonaa liiska xiddigaha loogu yeeri doono kulankan la wada sugayo.
Shabakada ayaa shaacisay in ilaa iyo hadda aanu cadeyn in Pep Guardiola uu ku soo dari doono Sergio Aguero liiska xiddigaha uu ugu yeeri doono inay ka qeyb galaan kulanka adag ee Arsenal, laakiin ugu yaraan waxaa la rajeynayaa inuu ka soo muuqan doono kursiga keydka.
Manchester City ayaa kulamadii la soo dhaafay waxay dhibaato weyn ka heysatay dhanka gooldhalinta maadaama ay dhaawac kaga maqnaayeen xiddigaheeda Sergio Aguero iyo Gabriel Jesus, Pep Guardiola ayaana isku dayay dhowr magacyo inuu booskaas ku biixiyo sida Phil Foden iyo Raheem Sterling laakiin kuma guuleysan.Gool FM.
Halyeey Arsenal ah oo fariin u diray Gareth Bale kaddib imaatinkiisa kooxda Tottenham
Friday, October 16, 2020 - 09:00
(London) 16 Okt 2020. Halyeeyga kooxda Arsenal ee Martin Keown ayaa xaqiijiyay in jamaahiirta naadiga ay dariska yihiin ee Tottenham Hotspur aysan dulqaad yeelan doonin waqti dheer si ay u arkaan hal abuurka Gareth Bale.
Kooxda Tottenham ayaa si rasmi ah u shaacisay inay soo ceshatay xiddigeedii hore reer Weles ee Gareth Bale, kaasoo kaga soo dhaqaaqay naadiga Real Madrid, heshiis hal xilli ciyaareed oo amaah ah.
Wargeyska “Mirror” ee dalka England ayaa wuxuu shaaca ka qaaday wareysi uu bixiyay Martin Keown, waxaana uu yiri:
“Bale waxaa looga soo dhabeeyay qalbi furan Tottenham Hotspur, waa xiddigii kaga dhaqaaay kooxda si uu kula soo guuleysto wax walba Real Madrid”.
“Laakiin tani waa xilligii bisha malabka, waxaanan hubaa in Gareth Bale uu ogyahay in taageerayaasha ay wax gaar ah kaga sugi doonaan garoonka dhexdiisa”.
“Waxaan dareemay inaan dhibtoonayo inta lagu gudajiray kulamadii ugu horeeyay, marka Bale waa inuu taxaddaraa”.
Wargeyska ayaa wuxuu tilmaamay in Bale uu la soo dhibtooday dhaawacyo sanadihii la soo dhaafay, Martin Keown ayaana carabka ku adkeeyay in waaxda farsamada ee Spurs ay tahay inay tixgeliso arintaas.
“Waan hubaa in Jose Mourinho uu ka fiirsan doono maareynta daqiiqadaha la siiyay Gareth Bale, shaqaalaha caafimaadka ee kooxda ayaa sidoo kale arinta wax ka qaban doona”.Gool FM.
“Waan ka xanaaqay bedelkii la igu sameeyey, balse magacayga yaan loo isticmaalin burburinta Man United” – Bruno Fernandes
Thursday, October 15, 2020 - 16:27
(Manchester) 15 Okt 2020. Bruno Fernandes ayaa jawaab waafi ah ka bixiyey wararkii dhowaan soo baxay ee sheegayay in isaga iyo macallin Ole Gunnar Soslkjaer isku faraxsanayn, isla markaana uu dhaleeceyn u geystay xiddigaha ay isku kooxda yihiin kaddib guuldarradii 6-1 ee kooxdiisa Man United ay kala kulantay Tottenham.
Bruno waa uu beeniyey gabi ahaanba hadalkaas, isagoo xusay inaan magaciisa loo isticmaalin burburinta kooxda Manchester United.
Waxaa la fahamsanaa in xiddiga xulka qaranka Portugal ee Bruno uu aad u careysnaa in la bedelo, iyadoo Man Utd lagu hoggaaminayey 4-1 qeybtii nasashada ee ciyaarta.
Markii Bruno Fernandes uu bedelay macallin Solskjaer, waxaa kooxdiisa Manchester United laga sii dhaliyey qeybtii labaad labo gool oo kale.
Dhowaan waxaa soo baxay in Fernandes uusan ku faraxsanayn qaabta uu kooxda u maamulayo macallin Solskjaer, laakiin laacibkan khadka dhexe ayaa warkaas si adag u beeniyey haatan.
Fernandes oo wareysi siinayay Sport TV ayaa hadalkiisa ku bilaabay: “Kaliya waxa aan u mahad-celinayaa  macallinka maxaa yeelay waa isaga shaqsigii I doonayey, waana isaga qofkii I aaminsanaa, taatikada uu isticmaalay waa mid aad iigu fiican aniga.
“Waxaan aaminsanahay in warkaan uu yahay mid la doonayo in lagu kala geeyo kooxda, wixii la yiri oo dhan waxba kama jiraan.
“Waa run in tababaraha uu i soo badalay kulankii Tottenham, laakiin waxa uu ii sheegay in sababtu ay ahayd in ciyaarta lagu kala baxay, islamarkaana ay ina sugayaan kulamo kale.
“Dabcan kuma faraxsanayn badalka la igu sameeyay, balse waan aqbalay, qolka labiska kama dhex hadlin mana oran wax dhaawici kara kooxda.
“Kulanka kaddib tababaraha wuxuu ii soo diray farriin uu iigu rajeynayo nasiib wacan kulamadeyda xulka Portugal.
“Markii aan joognay qolka labiska dhammaadkii ciyaarta wuxuu i weydiistay aniga iyo dhowr xiddig oo kale haddii aan la hadli karno kooxda inteeda kale oo aan dhihi karno hadallo baraarujin ah, laakiin ma jirin cid dooneysay inay hadasho sababtoo ah ma ahayn waqti fiican.
“Haddii ay jirto cid doonaysa inay burburiso Manchester United yeysan isticmaalin magaceyga ama kuwa asxaabteyda ama tababaraha.
“Xaaladda kooxda waa mid wanaagsan, dabcan waan ka murugoonaynaa guuldarrada, laakiin waa inaan jawaab ka bixino kulanka soo aaddan.”Gool FM.
Kooxda Juventus oo doonaysa inay sanadka 2021 la wareegto bartilmaameedkii Arsenal ee…
Thursday, October 15, 2020 - 16:27
(Turin) 15 Okt 2020. Kooxda kubadda cagta Juventus ee dalka Talyaaniga ayaa la soo warinayaa inay qorsheynayso inay sanadka 2021-ka la wareegto bartilaameedkii Arsenal ee Houssem Aouar.
Warsidaha Calcio Mercato ayaa warinaya in Kooxda Juventus ay dib u soo nooleyn doonto sanadka 2021-ka xiisihii ay u qabtay ciyaaryahanka khadka dhexe ee Lyon Houssem Aouar.
22-sano jirkaan ayaa la warinayey inuu u dhaqaaqayo Kooxda Arsenal xagaaga oo dhan, laakiin Bianconeri ayaa sidoo kale xiriir la sameysay wakiilkiisa maalmihii ugu dambeeyay ee suuqa kala iibsiga.
Inkastoo Juve aysan awoodin inay heshiis la gaarto laacibkan ka hor maalintii ugu dambeysay suuqa kala iibsiga xiddigaha ee xagaaga kaasoo dhowaan xirmay ayaa hadda waxa ay qorsheynayaan inay dib u soo celiyaan raacdadooda markii suuqa kala iibsiga dib loo furo.Gool FM.
RASMI: Sancho & Fati oo hoggaaminaya liiska kama dambeysta ah ee 20-ka laacib oo ku tartami doona abaal-marinta Golden Boy 2020
Thursday, October 15, 2020 - 15:53
(Yurub) 15 Okt 2020. Waxaa la shaaciyey liiska kama dambeysta ah ee 20-ka laacib ee ku tartami doona abaal-marinta Wiilka dahabiga ah ee Golden Boy 2020.
Sancho & Fati ayaa hoggaaminaya liiska xiddigaha u sharraxan abaal-marinta Golden Boy 2020, waxaana sidoo kale liiskan kama dambeysta ah ku soo baxay Haaland & Greenwood.
Wargeyska dalka Talyaaniga ka soo baxa ee Tuttosport ayaa bixinta abaal-marintan bilaabay sanadkii 2003, waxaana da’yarkii ugu horreeyay ee ku guuleystay uu ahaa xiddigii reer Holland ee Rafael Van Der Vaart.
Xiddigii ugu dambeeyey ee abaal-marintan ku guuleystana waxa uu ahaa da’yarka hadda ka tirsan kooxda Atletico Madrid ee Joao Felix.Haddaba halkaan hoose ka eeg liiska 20-ka laacib ee ku tartami doona abaal-marinta Golden Boy 2020:-
Mitchel Bakker – PSG
Eduardo Camavinga – Rennes
Jonathan David – Lille
Alphonso Davies – Bayern Munich
Sergino Dest – Barcelona
Fábio Silva  – Wolverhampton
Ansu Fati – Barcelona
Phil Foden – Manchester City
Ryan Gravenberch – Ajax
Mason Greenwood – Manchester United
Erling Haaland – Borussia Dortmund
Callum Hudson-Odoi – Chelsea
Dejan Kulusevski  – Juventus
Rodrygo – Real Madrid
Bukayo Saka  – Arsenal
Jason Sancho –  Borussia Dortmund
Dominik Szoboszlai – Red Bull Salzburg
Sandro Tonali  – Milan
Ferrán Torres  – Manchester City
Vinícius Junior – Real MadridGool FM.
Kooxda Real Madrid oo heshiis kordhin hal sano ah hordhigaysa Luka Modric
Thursday, October 15, 2020 - 15:53
(Madrid) 15 Okt 2020. Kooxda kubadda cagta Real Madrid eek a dhisan caasimadda Spain ayaa la soo warinayaa inay kaliya heshiis kordhin hal sano ah hordhigayso ciyaaryahankeeda Luka Modric.
Wargeyska Sport ayaa warinaya in Kooxda Real Madrid ay kaliya hal sano oo qandaraas kordhin ah u soo bandhigi doonta laacibkeeda khadka dhexe ee Luka Modric.
Xiddigan qibradda leh ee xulka qaranka Croatia ayaa haatan da’diisu tahay 35-sano jir, waxaana uu haatan ku dhow yahay inuu xirfaddiisa ciyaareed soo gabagabeeyo.
Los Blancos ayaana kaliya hordhigi doonta Modric sida warbixinta lagu shaaciyey qandaraas kordhin hal sano ah.Gool FM. 
“Hazard wuxuu awoodiisa ku muujin doonaa Real Madrid” – Thibaut Courtois
Thursday, October 15, 2020 - 10:07
(Madrid) 15 Okt 2020. Goolhaayaha reer Belguim iyo kooxda Real Madrid ee Thibaut Courtois ayaa garab istaag weyn u muujiyay saaxiibkiis Eden Hazard, isagoo xaqiijiyay in xiddiga uu ku fiicnaan doono Los Blancos wakhtiyada soo socda.
Real Madrid ayaa la soo saxiixatay Eden Hazard xagaagii 2019, isagoo kaga soo biiray naadiga Chelsea, ku dhowaad qiimo dhan 100 milyan.
Laakiin ilaa iyo haatan, Eden Hazard ayaan sameynin bandhigiisii cajiibka ahaa tan iyo markii uu yimid Real Madrid, kaddib markii uu la kulmay dhaawacyo soo noqnoqday, intii lagu jiray xilli ciyaareedkii hore iyo xilli ciyaareedka haatan socda.
Sida laga soo xigtay Radio “Cadena SER” ee dalka Spain Thibaut Courtois ayaa yiri:
“Kusoo laabashada Hazard qaab ciyaareedkiisii lagu yaqiinay? Shaki igagama jiro taas, waan hubaa inaan arki doonno qaabka ugu wanaagsan ee Eden, wuxuu awoodiisa ku muujin doonaa kooxda Real Madrid”.
“Wuxuu leeyahay rabitaan ah inuu muujiyo taas, Si wanaagsan ayaan u arkaa waxaana rajeynayaa inuu dhawaan awood u yeelan doono inuu cadeeyo”.
”In yar ka hor dhaawiciisa, wuxuu ciyaaray dhawr kulan oo wanaagsan, laakiin waxa uu nasiib xun ku yeeshay in uu markale dhaawacmo, mana aheyn wax fudud in laga baxo dhaawacaas”.
“Laakiin bishaan, waxaan arkay isagoo si fiican u tababaranaya, waana hubaa inuu banaanka keeni doono awoodiisa, farxad badana siin doono kooxda”.Gool FM.
Dilalka qorsheysan ee Gaalkacyo oo baaritaan lagu hayo.
Thursday, October 15, 2020 - 09:04

Booliska magaalada Gaalkacyo ee dhanka maamulka Puntland oo fuliyay howlgallo ay kusoo qabqabtay, dad lagu tuhmayo inay dilal geysteen magaaladaasi ayaa sheegay inay muddo sadax bilood ah ku ballan qaadayaan, in Gaalkacyo ay noqoto meel aan qofna lagu dilin.
Taliyaya qeybta booliska ee gobolka Mudug ee dhinaca Puntland Gaashaanle Muumin Cabdi Shire ayaa idaacadda VOAda u sheegay in dadka ay soo qab qabteen ay hayaan baaritaan, xilli goor hore ay kooxda Alshabaab sheegatay dilkii u dambeeyay dhowaan nin dhalinyaro ah loogu geystay magaaladaasi.
Wariyaha VOAda Cabdiwaaxid Maclin Isaaq ayaa waraysigan la yeeshay.
Kooxaha Man United iyo Tottenham oo ogaaday qiimaha ay ku heli karaan Paulo Dybala
Thursday, October 15, 2020 - 09:04
(Turin) 15 Okt 2020. Inkasta oo loo doortay xiddigii ugu fiicnaa horyaalka Italy xilli ciyaareedkii hore, hadana uma muuqato in ay Juventus doonayso in ay sii haysato xiddiga reer Argentine ee Paulo Dybala mustaqbalka fog.
Paulo Dybala ayaan u ciyaarin ilaa iyo haatan kooxdiisa Juventus sababo la xiriira dhaawicii soo gaaray xilli ciyaareedkii hore.
Xiddiga reer Argantina ma uusan cusbooneysiinin qandaraaska uu kula jiro kooxda Juventus ilaa iyo waqtigaan, halka wargeyska “CalcioMercato” oo xiganaya dhigiisa “Daily Mail” uu sheegay in Juventus aysan wax niyad ah u heynin inay fuliso codsiyada Dybala, taasoo la macno ah in lagu sii dhawaanayo ka tagitaankiisa magaalada Turin.
Wargeyska Talyaaniga ayaa sharxay in sababaha qaar ay ka dhigayaan in Juventus ay ku fikirto iibinta ciyaaryahanka, oo ay ugu horeyso in Pirlo uusan u arkin Dybala ciyaaryahan lagama maarmaan ah, gaar ahaan iyadoo ay adag tahay inuu la joogo Cristiano Ronaldo isla waqtigaas garoonka dhexdiisa, waxaana loo arkaa in booskaas uu ku haboon yahay xiddiga reer Sweden ee Dejan Kulusevski.
Sababta labaad ayaa ah dhibaatooyinka dhaqaale ee ka dhashay caabuqa Korona Fayras, maadaama kooxda ay ku fikireyso suurtagalnimada ay kaga heli karto dhaqaalo badan howlgalka ay ku iibineyso ciyaaryahanka.
Waxay intaas ku dartay in maamulka Bianconeri ay horay u dejiyeen qiimaha lagu iibinayo laacibka reer Argentina, maadaama ay codsadeen 80 million euros, lacagtaas oo laga yaabo inay ku riixdo kooxaha Manchester United iyo Tottenham inay mar kale u dhaqaaqaan si ay ula soo saxiixdaan Paulo Dybala oo ay u keenaan Premier League.Gool FM.
Si loo dhameystiro riyada Frank Lampard… weeraryahan caan ah oo diirada u saaran Chelsea xagaaga soo aadan
Thursday, October 15, 2020 - 09:04
(London) 15 Okt 2020. Chelsea ayaa ku guuleysatay suuqii xagaaga ee lasoo dhaafay inay hesho saxiixyada dhowr ciyaaryahan, si loo xoojiyo safka kooxda tababare Frank Lampard.
Haddaba warbixin lagu daabacay wargeyska “The Sun” ayaa lagu sheegay in maamulka kooxda reer London ay qorsheynayaan inay la soo saxiixdaan weeraryahanka weyn ee naadiga Borussia Dortmund Erling Håland, inta lagu gudi jiro suuqa kala iibsiga xagaaga ee soo socda.
Wargeyska “The Sun” ayaa tilmaamay in Erling Håland uu kula jiro kooxda Borussia Dortmund qandaraas lagu burburin karo 63 million pounds, waxayna Chelsea xiiseyneysaa in xiddig kale oo weyn ay ka soo qaadato horyaalka Jarmalka kaddib saxiixyadii Kai Havertz iyo Timo Werner.
Warbixinta ayaa lagu sheegay in tababare Frank Lampard uu doonayo inuu dhameystiro riyadiisa ku aadan weerarada kooxda Chelsea, si uu u dhameystiro riyada jamaahiirta Blues.
Haaland ayaa soo bandhigay kulamo aad u wanaagsan, ha ahaato xulkiisa Norway ama Borussia Dortmund, maadaama uu 51 gool dhaliyay 48-dii kulan ee ugu dambeysay, taasoo cadeyneysa inuu ka mid yahay weeraryahannada ugu muhiimsan adduunka.
Si kastaba ha ahaatee, kooxda Chelsea ayaa loolan adag kala kulmi doonta saxiixa Håland, madaama Real Madrid ay muujisay xiisaha ay u qabto weeraryahanka reer Norway si ay u dhisto weerar adag.Gool FM.
Halyeeyga reer Brazil ee Ronaldo oo fariin xamaasad leh u diray Neymar Jr
Thursday, October 15, 2020 - 08:31
(Brazil) 15 Okt 2020. Halyeeyga kubadda cagta reer Brazil ee Luís Nazário de Lima Ronaldo ayaa fariin xamaasad leh u diray xiddiga ay isku wadanka ka soo wada jeedaan ee Neymar Jr,
Xiddiga kooxda  Paris Saint-Germain ee Neymar ayaa ku guuleystay inuu kaga sara maro halyeeyga Luís Nazário de Lima Ronaldo liiska gooldhaliyaasha ugu sareeya taariikhda xulka qaranka Brazil.
Xiddigga xulka qaranka Brazil iyo kooxda Paris Saint-Germain ee Neymar Jr ayaa ku guuleystay inuu dhaliyo goolkiisii ​​64-aad intii uu ku guda jiray waayihiisii ​​xulka qaranka ee Seleção, wuxuuna dhaafay Luís Nazário Ronaldo oo dhaliyay 62 gool.
Goolka 64-aad ee Neymar Jr ayaa yimid kulan ay kula ciyaareen xulka Peru isreeb-reebka Koonfurta Ameerika ee Koobka Adduunka 2022, kaddib markii uu ku guulystay inuu gool u badelo rigoore loo dhigay daqiiqadii 28-aad.
Halyeeyga reer Brazil ee Pele ayaa wali ah gooldhaliyaha ugu sareeya ee xulka qaranka Brazil kaddib markii uu dhaliyay 77 gool.
Wargeyska “AS” ee dalka Spain ayaa wuxuu shaaca ka qaaday fariinta xamaasada laheyd uu Luís Nazário de Lima Ronaldo u diray Neymar Jr, wuxuuna yiri:
“Waxaad heleysaa xushmad buuxda oo dhankeyga ah Neymar, wax badan ayaad ciyaareysaa, waxaad bixisaa baasas cajiib ah”.
“Alla maxay tahay qiso cajiib ah oo aad qoreyso, ciyaaryahan dhameystiran oo qaan gaar ah”.
“Waan ogahay sida ay u weyn tahay inaad xirato maaliyada jaalaha ah, iyo la macaamilka cadaadiska garoonka banaankiisa ah, way adag tahay inaad kubadda cagta ku qaadatid labadaada lugood mararka qaarkood”.
“Waxaad heysataa rikoorro badan si aad u jabiso, iyo calaamado badan oo aad ka tagi karto, aad ayaan ugu faraxsanahay inaan arko Brazilian heer sare ah”.Gool FM.
Jubbaland oo faahfihisay xukunka ninkii loo haystay weerarkii hotel Cascasey.
Thursday, October 15, 2020 - 07:49

Magaalada Kismaayo ayaa waxaa lagu soo bandhigay asbuucaan nin 19 jir ah oo lagu mgacaabo Deeqow Caliyow Kuusoow, oo la sheegay inuu ka mid ahaa 4 nin oo weerar ku qaaddey bartimihii sanadkii tagay hotelka Cascaseey ee magaalada Kismaayo.
Ninkaasi oo dil lagu lagu xukumay ayaa maxkamadda ciidanka qalabka sida ee Jubbaland ay sheegtay in baritaankiisa uu socdey muddo sanad ka badan ee uu dhaawac ahaa.
Sahra Cabdi Axmed ayaa khadka telefoonka ee magaalada Kismayo kula xariirtey Col. Bashiir Xareed oo ah Garsooraha 1 Maxkamada Ciidamada Militariga ee Jubbaland.