Latest Videos

Liverpool oo xaqiijisay inuu qallin mari doono Virgil Van Dijk & Reds oo loogu baaqay inay la soo wareegaan xiddig u buuxiya booskiisa
Monday, October 19, 2020 - 10:43
(Liverpool) 19 Okt 2020. Kooxda kubadda cagta Liverpool ayaa xaqiijisay in daafaceeda Virgil Van Dijk uu qalliin mari doono kaddib dhaawacii dhowaan soo gaaray.
Inkastoo aysan Reds shaacin waqtiga rasmiga ah ee uu Virgil Van Dijk garoomada ka maqnaan doono haddana waxaa la filayaa in muddo dhowr bilood ah uu garoomada seegi doono daafaca reer Holland.
Wargeysyada qaarkood ayaaba warinaya in xilli ciyaareedkii Virgil Van Dijk uu soo dhammaaday oo uusan kal ciyaareedkan markale u safan doonin kooxda Reds.
Haddaba halyeyga Liverpool ee Jamie Carragher ayaa ugu baaqay kooxda ka arrimisa garoonka Anfield inay la soo saxiixdaan xiddig daafac ah oo u buuxiya booska Van Dijk.
Jamie Carragher ayaa ugu yeeray kooxda Liverpool inay la soo saxiixdaan daafaca bisha Janaayo kaddib dhaawaca muddada dheer ee uu galay Virgil van Dijk.
“Waxaan u maleynayaa in Liverpool xaqiiqdii ay tahay inay suuqa gasho bisha Janaayo, kaliya ma’ahan dhaawaca Van Dijk, laakiin Liverpool waxay ku liidatay aaggaas si kastaba,” ayuu Carragher Axaddii u sheegay Sky Sports.Gool FM.
Edinson Cavani oo qaatay tababarkiisii ugu horreeyey ee Kooxda Man United… (Miyuu ciyaari doonaa kulanka todobaadkan ee PSG?)
Monday, October 19, 2020 - 10:12
(Manchester) 19 Okt 2020. Saxiixa cusub ee Kooxda Manchester United Edinson Cavani ayaa qaatay tababarkiisii ugu horreeyey ee naadiga ka arrimisa garoonka Old Trafford.
Wiilka cusub ee kooxda Manchester United, Edinson Cavani ayaa dhammaystiray tababarkiisii ugu horreeyey ee kooxda Red Devils tan iyo markii uu ku soo biiray kooxdaas maalintii ugu dambeysay suuqa kala iibsiga xiddigaha ee xagaaga.
Xiddiga reer Uruguay ayaa qalinka ugu duugay heshiis hal sano ah kooxda Ole Gunnar Solskjaer kaddib markii uu ka tagay Paris Saint-Germain, halkaasoo uu ku dhaliyey 200 gool 301 kulan oo uu u saftay kooxda heysata horyaalka Ligue 1 intii u dhaxeysay 2013 iyo 2020.
Cavani ayaa lagu qasbay inuu karantiilo kaddib markii uu yimid UK, iyadoo uu socdo cudurka faafa ee Korona Fayras, laakiin halyeyga weerarka ka ciyaara ayaa lagu sawiray isagoo galaya xerada tababarka Carrington Axaddii kaddib markii uu dhammeystiray labo isbuuc oo gooni isu karaantiil ah.
Sidoo kale saxiixyada cusub ee Man United ee Telles iyo Facundo Pellistri ayaa Cavani garab socday oo tababarka kala soo muuqday.
Man United ayaa kulankeeda soo aaddan waxa ay habeenka Talaadada la leedahay Cavani kooxdiisii hore ee PSG kulan qeyb ka ah tartanka Champions League, 33-sano jirkaan ayaa laga yaabaa inuu kulankiisii ugu horreeyay u safto Red Devils kulanka ay wajahayaan bartamaha isbuucaan kooxda ka dhisan caasimadda Faransiiska.
Red Devils ayaa soo martay bilow isku dhaf ah ololaheeda Premier League, laakiin waxa ay soo bandhigeen qaab ciyaareed cajiib ah qeybtii labaad kulankii Sabtidii ay 4-1 uga adkaadeen naadiga Newcastle United.SAWIRRO:Gool FM.
Manchester United oo indhaha ku haysa inay la soo wareegtay laacib dheemman ka ah Kooxda Real Madrid
Monday, October 19, 2020 - 09:36
(Manchester) 19 Okt 2020. Kooxda kubadda cagta Manchester United ee dalka Ingiriiska ayaa la soo warinayaa inay indhaha ku hayso saxiixa mid ka mid ah xiddigaha dheemmanka ka ah naadiga Real Madrid.
Man United ayaa tallaabo u qaaday xiisahooda laacibka khadka dhexe ee Real Madrid, Federico Valverde, sida uu warinayo Wargeyska The Sun.
22-sano jirkaan reer Uruguay kaasoo boos joogto ah ka helay kooxda koowaad oo ku dhisan garoonka Bernabeu ee uu hoggaamiyo Tababare Zinedine Zidane ayaa qandaraaskiisa lagu burburin karaa adduun dhan 640 milyan oo gini.
Xiddigan ayaa la rajeynayaa inuu leeyahay mustaqbal ifaya, Man United ayaana la sheegay inay il gaar ah ku eegeyso horumarkiisa kaddib qaab ciyaareedyo taxane ah oo uu ku soo bandhigtay Los Blancos xilli ciyaareedkii hore.
Paul Pogba oo dhawaan qirtay riyadiisa ah inuu u ciyaaro kooxda reer Spain ayaa loo isticmaali karaa inuu ka mid noqdo heshiis kasta oo suurtagal ah oo ay Man United ku soo qaadan karto Valverde.
Yeelkeede, looma badinayo inay kooxda Real Madrid yeeli doonto inay ka iibiso Valverde kooxda 20-ka goor ku guuleysatay horyaalka Ingiriiska.Gool FM.
Halkee ayuu marayaa heshiiskii ay Kooxda Barcelona ku doonaysay inay kula wareegto xiddiga Liverpool ee Gini Wijnaldum?
Monday, October 19, 2020 - 09:36
(Barcelona) 19 Okt 2020. Kooxda kubadda cagta Barcelona ayaa la soo warinayaa inay soo cusboonaysiisay xiisaha ay u qabto saxiixa laacibka khadka dhexe ee Liverpool Gini Wijnaldum, kaasoo ay doonayso inay la soo wareegto suuqa bisha Janaayo ee soo aaddan.
Xiddiga reer Holland waxaa soo maamulay macallinka Blaugrana ee Ronald Koeman marka loo eego heerka caalami ee qarankiisa, haddana waxa uu mudnaanta siinayaa hoggaamiyaha Barcelona inuu laacibkan markale kula midoobo garoonka Camp Nou.
Wijnaldum ayaa qandaraaskiisa garoonka Anfield waxa uu dhacayaa xagaaga soo socda, waxaana lagu heli karaa qaab bilaash ah, markaa taa bedelkeeda kooxda Reds ayaa raadinaysa inay lacag ku hesho saxiixa xiddigan bisha Janaayo.
Inuu kooxda Liverpool ku soo biirayThiago Alcantara bishii la soo dhaafay ayaa laga yaabaa inay soo dedejisay bixitaanka ciyaaryahankii hore khadka dhexe ee Kooxda Newcastle United.Gool FM.
Kooxda Liverpool oo xiiseynaysa saxiixa xiddig ka tirsan naadiga Leeds United… (Booskee ka ciyaaraa?)
Monday, October 19, 2020 - 09:05
(Liverpool) 19 Okt 2020. Kooxda kubadda cagta Liverpool ayaa la soo warinayaa inay xiiseynayso saxiixa laacib ka tirsan naadiga Leeds United, kaasoo ka mid ah xiddigaha wacdaradaha ka dhigaya horyaalka Premier League.
Liverpool iyo Tottenham ayaa labaduba xiiso u muujinaya saxiixa laacibka khadka dhexe ee Kooxda Leeds United ee Kalvin Phillips, sida wararku ay sheegayaan.
Dalab ku kacaya 50 milyan oo gini ayaa laga yaabaa in loo baahdo si loo helo xiddiga heerka caalami ee dalka England, kaasoo u ciyaara kooxda Yorkshire ee Championship-ka ka ciyaari jirtay balse markale toddobaadyadii ugu horreeyay u soo dallacday horyaalka Premier League.
24-sano jirkaan ayaa ka mid ahaa xiddigihii garoonka ku soo bandhigay waxqabad muuqda xilli Leeds ay 4-3 kaga soo baxday garoonka Anfield maalintii furitaanka horyaalka Premier League xilli ciyaareedkan, markaasoo Reds ay gool xilli dambe ah ku baxsatay.Gool FM.
Zlatan Ibrahimovic oo rumeysan in AC Milan ay ku guuleysan karto horyaalka Serie A kaddib guushii Derby della Madonnina
Sunday, October 18, 2020 - 11:36
(Milan) 18 Okt 2020. Zlatan Ibrahimovic ayaa rumeysan in Kooxda AC Milan ay ku guuleysan karto horyaalka Serie A kaddib guushii ay xalay ka gaareen Inter Milan ee Derby della Madonnina.
Ibrahimovic ayaa soo jeediyey in AC Milan ay u tartami karto hanashada horyaalka Serie A kaddib guushii ay ka gaareen xalay oo Sabti ahayd kooxda ay isku Magaalada yihiin ee Inter Milan.
Xiddigan reer Sweden ayaa labo gool dhaliyey qeybta hore ee ciyaarta, taasoo ku filnaatay in AC Milan ay gaarto guusheedii ugu horreysay ee Derbiga ah horyaalka muddo afar sanadood ah kaddib.
Ibrahimovic oo kaliya sanad kale ku qaatay Talyaaniga dhowaan kaddib waayihiisii LA Galaxy ayaa si buuxda u aaminsan in Milan ay lahaan karto xilli ciyaareed lagu xasuusato kaddib guushii wayneed ee ay ku gaareen garoonka San Siro.
“Milan ma guuleysan derbigaan muddo afar sanadood ah, gurigeyga ayaan ku xayirnaa labo isbuuc, sidaas darteed waan gaajeysnaa wayna muuqatay.” Ibrahimovic ayaa sidaas u sheegay Sky Sport Italia.
“Waa yaraaday dareenkeygii dhadhaminta, laakiin saddexdii maalmoodba mar ayaan xirxiray, qofna ima hor istaagi doono inaan ciyaaro kulanka Derbiga.
“Waan ka xumahay in rigoorada la badbaadiyo, laakiin waxa muhiimka ah ayaa ah in kooxdu guuleysatay, aniga ayaa ugu da ‘weyn kooxda, waxaan dareemayay mas’uuliyad badan, waana jeclahay dareenkaas, maadaama ay dhamaantood raacayaan hoggaankayga ayna u hammuun qabaan inay guuleystaan.”
Ibrahimovic ayaa intaa ku daray inuu aaminsanaa inuu ku laaban karo Korono Fayras, isla markaana uu diyaar u yahay inuu sii wato ka ciyaarista heerka sare, inkastoo uu 39 sano jir yahay.Gool FM.
Macallin Ole Gunnar Solskjaer oo qiray xilliga uu Donny van de Beek ku soo bilaaban doono safka hore ee Man United
Sunday, October 18, 2020 - 10:27
(Manchester) 18 Okt 2020. Macallinka Kooxda Manchester United ee Ole Gunnar Solskjaer ayaa sheegay in saxiixa xagaaga ee Donny van de Beek uu heli doono fursaddiisa uu safka hore ugu soo bilowdo kaddib uu saameyn kale oo muhiim ah ku yeeshay kulankii xalay ay ka horjeedeen Newcastle United.
Man United ayaa xilli dambe saddex jeer tagtay shabaqa kooxda Magpies si ay taasi ugu xaqiijiso inay gaaraan guul 4-1 ah oo ku soo qaateen garoonka St James ‘Park, waxayna u ahayd natiijo muhiim ah kaddib bilowgii niyadjabka ahaa ee xilli ciyaareedkan.
Van de Beek ayaa ka soo kacay kursiga keydka iyadoo 14 daqiiqo ay ka harsan tahay ciyaartii xalay oo Sabti ahayd, Man United ayaana aakhirkii ku soo duushay goolka kooxda ay booqatay guul muhiim ahna ka xaqiijisay, Tababare Solskjaer ayaana ku adkeysanaya in xiddigii hore ee Ajax inuu heli doono fursaddiisa ku bilaabashada sare kale isbuucyada soo socda, inkastoo uu heystay kaliya 59 daqiiqo haddana waxqabad muuqda ayuu ka sameeyey Premier League ilaa iyo haatan xilli ciyaareedkan.
“Wuxuu heli doonaa waqtigiisa ciyaarta, waxa uu ahaa mid cajiib u ah kooxda,” Solskjaer ayaa u sheegay Suxufiyiinta kaddib guushii Newcastle.
“Waxaan u maleynayaa inaad aragtay maanta iyo tababarka, waa qof nadiif ah oo hagaagsan, uma maleynayo inuu kubadda lumiyay hal jeer.
“Waxay ku saabsan tahay helitaanka isku dheelitirka kooxda, waxaan ku guuleysanay 4-1 maanta, waxaadna i weydiineysaa sababta aanan ugu soo bilaabin mid ka mid ah ciyaartoyda, saameyn aad u wanaagsan ayuu ku yeelan doonaa kooxda.”
Van De Beek ayaa dhaliyey goolkiisii ugu horreeyey safashadiisii ugu horreysay ee Man United kulankii furitaanka oo ay guuldarro 3-1 kala kulmeen Crystal Palace, laakiin weli Solskjaer kuma soo bilaabin safka hore ee Premier League.Gool FM.
Azerbaijan iyo Armenia oo xabbad joojin ku heshiiyay
Sunday, October 18, 2020 - 05:35

Dalalka Azerbaijan iy Armenia ayaa gaaray heshiis cusub oo xabbad joojin ah xilli dambe Sabtidii Xalay, taas oo ah isku daygii labaad ee tobaad gudihiisa ah oo la doonayay in lagu qaboojiyo, dagaalka sadaxda usbuuc ka socda gobolka Nagorno-Karabakh.
Xabbad joojinta binaadanimo ee labada dal ay ku heshiiyeen ayaa bilaabanaysa Maanta oo ah 18 October, sida lagu sheegay war qoraal ah oo kasoo baxay wasaaradda arrimaha dibadda ee Armenia.
Ku dhawaaqista heshiiska ayaa imaanaya kadib markii wasiirka arrimaha dibadda ee Russia Sergey Lavrov uu khadka telefonka kula hadlay dhiggiisa waddamada Azerbaijan iyo Armenia
Lavrov iyo madaxweynaha dalka Farce Emmanuel Macron ayaa dhinacyada dagaallamay ugu baaqay inay heshiiska xabbad joojinta ah ay ilaaliyaan.
Aroortii Sabtidii ayaa Azerbaijan iy Armenia uu midba kan kale ku eedeeyey inay kusoo qaaday weerarro cusub taas oo dib kusii shidaysa rabshadaha ka aloosan gobolka ay ku muransanyihiin Nagorno-Karabakh oo dagaalka uu ka billowday todobaadyo.
Horudhac: Manchester City vs Arsenal… (Arteta oo caawa booqanaya Pep Guardiola oo uu ka sarreeyo Shan dhibcood & 10 boos)
Saturday, October 17, 2020 - 09:31
(Manchester) 17 Okt 2020. Labo saaxiib oo hore ah ayaa cusbooneysiinaya isbarasho markale caawa oo Sabtida ah marka Mikel Arteta uu Arsenal u kaxeeyo garoonka Etihad Stadium si ay ula ciyaaraan Manchester City iyo macallinkii uu lataliyaha u ahaa ee Pep Guardiola.
Waxa ay ahayd bilow aad u hooseeya kooxda martida loo yahay, kuwaasoo caawa soo soo dhoweynaya Arsenal oo horyaalka Premier League kaga sarreysa shan dhibcood iyo 10 boos.Ogeysiiska Ciyaarta:-Tartanka: England – Premier LeagueTaariikhda: Sabti 17 Okt 2020Saacadda ay bilaabaneyso dheesha: 07:30 Fiidnimo xilliga geeska Afrika.Garoonka: Etihad StadiumGarsooraha: Chris Kavanagh (England)Wararka Kooxaha:-
Xiddiga kooxda Manchester City ee Kevin De Bruyne ayaa seegi doona kulanka Sabtida sababo la xiriira dhaawac aan la cayimin oo uu ka soo gaaray waajibaadka xulkiisa toddobaadkii tagay.
Raheem Sterling waa taam, halka Sergio Aguero laga yaabo inuu ciyaaro markii ugu horreysay tan iyo markii uu u baahday qalliinka jilibka ah bishii June.
Saxiixa cusub ee Arsenal Thomas Partey, kaasoo ay maalintii ugu dambeysay ay kula soo wareegtay 45 milyan oo gini ayaa safan kara kulankiisii ugu horreeyey.
Kieran Tierney ayaa iskiis isku karaantiilaya kaddib markii saaxiibkiisa ay ka wada tirsan yihiin xulka qaranka Scotland ee Stuart Armstrong laga helay Korona Fayras, laakiin weli lama shaacin xaqiiqada ah inuu seegi doono kulankan.Xaqiiqooyinka ciyaarta:-
>- Manchester City ayaa guuldarro la’aan ah (unbeaten) sagaalkoodii is-arag ee Premier League, waxaana ay dhalisay ugu yaraan labo gool mid kasta oo ka mid ah kulammadaas, tan iyo markii ay guuldarradii 1-2 ee soo gaartay bishii December ee sanadkii 2015 (7 guul iyo 2 barbaro).
>- Arsenal ayaa laga yaabaa inay lumiso todobo kulan oo isku xigta oo horyaalka ah oo ay ka horyimaadaan, isla kooxda ka soo horjeedda markii ugu horreysay tan iyo markii ay sidaasi sameeyeen kulankii Ipswich intii u dhaxeysay 1974 iyo 1977.
>- Guushii ay kali ku noqotay Gunners sagaalkii kulan ee ugu dambeeyay ee ay marti ahaayeen kulamada horyaalka ee ay la ciyaareen Man City waxa ay ahayd bishii Janaayo ee sanadkii 2015.
>- Si kastaba ha noqotee, Arsenal ayaa badisay kulankeedii ugu dambeeyay ee tartan rasmi ah, iyadoo Pierre-Emerick Aubameyang uu dhaliyay labada gool ciyaartii semi-finalka FA Cup ee dhacay bishii July.
>- Manchester City ayaa haysata afar dhibcood waana dhibcihii ugu yaraa ee ay heshay kaddib saddex kulan oo xilli ciyaareed ah tan iyo kal ciyaareedkii 2010-11.
>- Waxay kaliya labo jeer lumisay labadoodaba kulan ee furitaankii gurigooda xilli ciyaareedyadii 1930-31 iyo 1953-54.
>- Kevin De Bruyne ayaa gacan ka geystay todoba gool siddeediisii kulan ee ugu dambeeyey horyaalka oo uu ku soo bilowday ciyaarto ay ka horjeedaan Arsenal, waxa uu dhaliyey shan gool isagoo caawiyey labo kale.
>- Gunners ayaa guuleysatay siddeed ka mid ah 12-keedii kulan ee la soo dhaafay horyaalka Premier League, waana in hal ka badan intii ay guuleysteen 28 kulan oo markaas ka hor ay ciyaareen.
>- Waxa ay guuleysan karaan Arsenal afar kulan oo ka mid ah shantooda kulan ee ugu horreeya hroyaalka xilli ciyaareedkan markii ugu horreysay tan iyo fasal ciyaareedkii 2013-14.
>- Alexandre Lacazette ayaa goolal dhalin kara afar kulan oo isku xigta oo horyaalka ah oo uu u ciyaaray Arsenal markii ugu horreeysay.Shaxda Macquulka ah ee labada kooxood:-Gool FM.
Horudhac: Inter Milan vs AC Milan… (Wax waliba oo aad uga baahan tahay kulanka caawa ee Derby della Madonnina)
Saturday, October 17, 2020 - 07:58
(Milan) 17 Okt 2020. Kulanka Taariikhiga ah ee Derby della Madonnina ayaa caawa ka qabsoomaya garoonka Giuseppe Meazza, halkaasoo ay isku qaban doonaan kooxaha isku magaalada ah ee Inter Milan iyo AC Milan.
Kulankan ka qabsoomaya garoonka caanka ah ee ay wadaagaan labada kooxood ee magaalada Milan ku xafiiltama ayaa la soo sheegayaa in dhowr ciyaaryahan ay ku seegayaan KOFID 19 awgii, waxaana xiddigaas ka mid ah laacibka reer England ee garabka ka dheela Ashley Young.Ogeysiiska Ciyaarta:-Tartanka: Italy – Serie ATaariikhda: Sabti 17 Okt 2020Saacadda ay bilaabaneyso dheesha: 05:00 Galabnimo xilliga geeska Afrika.Garoonka: Giuseppe MeazzaGarsooraha: Maurizio Mariani (Italy)Wararka Kooxaha:-
Inter waxaa ka maqnaan doona ciyaartooy fara ku tiris ah oo kooxda koowaad ah, kuwaas oo haatan ku jira go’doon ama is karaantiil, iyagoo ka soo laabtay qaarkood KOFID 19.
Aleksandr Kolarov ayaa la filayaa inuu ku soo bilowdo daafaca Inter Milan, halka Nicolò Barella uu ka soo muuqan karo lambar 10-aad.
Stefano Sensi ayaa ganaax ku maqnaanaya kaddib casaankiisii uu xilli dambe qaatay kulankii Lazio ee ka hor fasaxa caalamiga ah.
Zlatan Ibrahimovic ayaa ka soo kabtay KOFID 19, wuxuuna ku soo bilaaban doonaa safka AC Milan, halka Ante Rebic uu wali dhaawac yahay.
Alessio Romagnoli ayaa sidoo kale ku soo laabtay kooxda isagoo hoggaamin doona daafaca kooxda Rossoneri.Xaqiiqooyinka ciyaarta:-
>- AC Milan ayaa dhalisay ugu yaraan labo gool 14 ka mid ah 15-keedii kulan ee ugu dambeeyey oo ay ciyaartay horyaalka Serie A.
>- Kooxda AC Milan ayaa guuleysatay siddeed ka mid ah sagaalkeedii kulan ee ugu dambeeyey oo ay ciyaartay horyaalka Serie A.
>- AC Milan ayaa shabaqeeda gool ka ilaashatay afarteedii kulan ee ugu dambeeyey oo ay dheeshay horyaalka Serie A.
>- Inter Milan ayaa guuleystay afarteedii kulan ee ugu dambeeyey oo ay wajahday Kooxda AC Milan tartammada oo dhan.
>- Inter Milan ayaan la garaacin 11-keedii kulan ee ugu dambeeyey oo ay ciyaartay horyaalka Serie A.
>- Inter Milan ayaa dhalisay ugu yaraan labo gool saddexdeedii kulan ee ugu dambeeyey oo ay wajahday AC Milan tartammada oo dhan.Shaxda Macquulka ah ee labada kooxood:-Gool FM.
Horudhac: Chelsea vs Southampton… (The Blues oo soo dhoweynaysa Kooxda Saints oo ay hal dhibic ka sarreyso)
Saturday, October 17, 2020 - 06:15
(London) 17 Okt 2020. Chelsea ayaa kooxda Southampton ku soo dhoweynaysa garoonkeeda Stamford Bridge galabta oo Sabti ah kulan qeyb ka ah horyaalka Premier League, kaddib markii laga soo laabtay ciyaaraha heerka caalami.
Labadaan kooxood ayaa kaliya waxaa u dhexeysa farqi hal dhibic ah kaddib afar kulan oo la ciyaaray horyaalka Premier League xilli ciyaareedkan.Ogeysiiska Ciyaarta:-Tartanka: England – Premier LeagueTaariikhda: Sabti 17 Okt 2020Saacadda ay bilaabaneyso dheesha: 05:00 Galabnimo xilliga geeska Afrika.Garoonka: Stamford BridgeGarsooraha: Robert Jones (England)Wararka Kooxaha:-
Ciyaaryahanka Chelsea ee Ben Chilwell ayaa taam ah inkastoo uu ka soo laga soo saaray waajibaadka xulka England, laakiin Edouard Mendy ayaa maqnaanaya kaddib markii uu dhaawac ka soo gaaray bowdada intii lagu guda jiray tababarka xulkiisa Senegal.
Thiago Silva ayaa la nasin doonaa, halka Christian Pulisic iyo Hakim Ziyech ay labadoodaba ciyaari karaan, iyadoo kan dambe ee Ziyech ah illaa daqiiqadda ugu dambeysa go’aan laga gaari doono haddii uu dheeli karayo.
Dhinaca kale Theo Walcott ayaa safan kara kulankiisii ugu horreeyey ee Southampton tan iyo sanadkii 2006 kaddib markii uu kooxda heshiis amaah ah ugu soo biiray.
Saxiixa kale ee cusub Ibrahima Diallo ayaa isaguna diyaar u ah inuu safto kulankiisii ugu horreeyey ee Southampton.
Moussa Djenepo iyo Mohammed Salisu ayaa labaduba maqnaan doona, halka Stuart Armstrong la tix gelin doono kaddib markii uu ka soo laabtay xaalad karaantiil ah oo uu ku jiray maadaama laga helay Korona Fayras.Xaqiiqooyinka ciyaarta:-Fool Ka Fool
>- Kooxda Chelsea ayaa guuldarro 2-0 kala kulantay garoonkeeda Southampton xilli ciyaareedkii hore, laakiin waxa ay guuleysteen todobo ka mid ah sagaalkii kulan ee la soo dhaafay oo ay horyaalka ku wajaheen, labada kulan ee kalena hal barbaro iyo hal guuldarro ayay ku dhammaadeen.
>- Kooxda Southampton ayaa laga yaabaa inay rikoor guulo isku xiga horyaalka kaga gaarto Blues garoonka Stamford Bridge markii ugu horreysay tan iyo sanadkii 1985-kii.Chelsea
>- Chelsea ayaan garoonkeeda gool looga dhalin horyaalka Premier League marka ay wajahayso kooxda ka hooseeya lixda kaalin ee sare tan iyo markii markii ay guuldarro 2-0 ah kala kulmeen Southampton bishii December.
>- Blues ayaa badisay 7 ka mid ah siddeedii kulan ee ugu dambeysay ee ay ku ciyaartay garoonka Stamford Bridge, iyadoo wadar ahaan dhalisay 18 gool, waxaana laga dhaliyay kaliya afar gool.
>- Waxa laga yaabaa inay Chelsea shabaqa ilaashadaan kulamada isku xigxiga oo horyaalka ah markii ugu horreysay inta ay ka hoos ciyaarayaan Tababare Frank Lampard.
>- Olivier Giroud ayaa dhaliyay toddobo gool oo horyaalka ah kulammadii uu ka horyimid kooxda Southampton, iyadoo mid kasta oo ka mid ah afartii kulan ee ugu dambeysay uu bedel ku yimid – ciyaaryahanka kaliya ee shan gool ka dhaliyay Premier League koox gaar ah oo ka soo horjeedda isagoo ka soo kacay kursiga keydka waa Julian Joachim oo sidaasi ku sameeyey kooxda Derby.Southampton
>- Southampton ayaa adkaan karta saddex kulan oo isku xigta oo horyaalka ah markii ugu horreysay tan iyo markii ay badiyeen afartii kulan ee ugu danbeysay xilli ciyaareedkii 2015-16, markaasoo uu kooxda hoggaaminayay Macallin Ronald Koeman.
Southampton can claim three consecutive league victories for the first time since winning their final four games of the 2015-16 season under Ronald Koeman.
>- Waxay sidoo kale sameyn karaan saddex jeer oo isku xigta inay kulammada sare shabaqooda gool ka ilaashadaan, iyadoo markii ugu dambeysay oo ay sidaasi sameeyaan ay ahayd intii u dhaxeysay bilihii September iyo October ee sanadkii 2016.
>- Saints ayaa soo uruursatay 20 dhibcood oo ay ku soo ciyaartay meel ka baxsan garoonkooda sanadka 2020 – kaliya Liverpool ayaana ka fiican.
>- Danny Ings ayaa dhalieyy 13 gool oo Premier league ah sanadkan 2020, wadar ahaan waxaa ka sarreeyay oo kaliya Mohamed Salah.Shaxda Macquulka ah ee labada kooxood:-Gool FM.
Horudhac: Everton vs Liverpool… (Wax waliba oo aad uga baahan tahay kulanka Merseyside Derby ee maanta ka dhacaya garoonka Goodison Park)
Saturday, October 17, 2020 - 05:41
(Liverpool) 17 Okt 2020. Kani waa kulankii 288-aad ee Merseyside derby waxaana la filayaa inuu noqdo mid ka mid ah kuwii ugu xiisaha badnaa sanadihii ugu dambeeyay, iyadoo kulankan oo qeyb ka ah horyaalka Premier League ay Everton garoonkeeda Goodison Park ku soo dhaweyso kooxda haysata horyaalka ee Liverpool maanta oo Sabti ah.
Kooxda Jurgen Klopp ayaa safarka gaaban ku maraysa Stanley Park, iyagoo doonaya inay ka soo kabsadaan guuldarradoodii ugu xumeyd ebid ee Premier League ku soo gaarta, laakiin waxa ay ka hor’imaanayaan kooxda Everton oo hogaanka u haysa haatan horyaalka, taasoo ah kooxda kaliya ee adkaatay ama wada badisay afartii kulan ee illaa iyo haatan la ciyaaray horyaalka.Ogeysiiska Ciyaarta:-Tartanka: England – Premier LeagueTaariikhda: Sabti 17 Okt 2020Saacadda ay bilaabaneyso dheesha: 02:30 Duhurnimo xilliga geeska Afrika.Garoonka: Goodison ParkGarsooraha: Michael Oliver (England)Wararka Kooxaha:-
Labada laacib ee Everton, Yerry Mina iyo Lucas Digne ayaa la filayaa inay ka soo kabtaan dhaawacyo yar yar oo soo gaaray intii ay gudanayeen waajibaadka qarankooda.
Seamus Coleman, Allan iyo Andre Gomes ayaa dhammaantood waxa ay ku soo laabteen tababarka toddobaadkan, waana la tixgelinayaa inay kulankan ka qeyb qaataan.
Dhinaca kale Kooxda Liverpool ayaa heli doonin adeegga goolhayaheeda koowaad ee Alisson, waxaana shabaqa ugu bilaabanaya markale Adrian.
Sadio Mane iyo Thiago Alcantara ayaa qarka u saaran inay ku soo laabtaan garoommada kaddib markii ay is karantiileen sababtoo la xiriira caabuqa Korona Fayras oo laga helay, halka Joel Matip uu ku soo laabtay tababarka.Xaqiiqooyinka ciyaarta:-Fool Ka Fool
>- Liverpool ayaa rikoor kooxdeeda ah oo ah 22 kulan oo aan la garaacin tartammada oo dhan ka haysata kulankan ay wajahaan Everton, waxaana ay 22-kaas kulan garaacday 11 kulan, halka ay barbaro la gashay 11 kale.
>- Everton ayaa guul la’aan ah 19 kulan oo Premier League ay la kulantay Reds tan iyo guushii 2-0 oo ay gurigooda kaga gaareen bishii October ee sanadkii 2010-kii, tan iyo markaas waxaa ka soo gaaray dhinaca Liverpool 11 barbaro iyo 8 guuldarro.
>- Todobo ka mid ah saddeedii kulan ee horyaalka kulankan Merseyside derby, kaasoo ka dhacay garoonka Goodison Park ayaa ku dhammaaday barbaro, Liverpool ayaana guuleysatay kulanka kale.
>- Saddexdii kulan ee Merseyside derby oo ay Kooxda Everton marti gelisay ayaa ku dhammaaday barbaro.
>- Everton ayaa gool horyaalka ah ku dhalin la’ garoonkeeda, marka ay kulankan Merseyside Derby soo dhoweynayaan kooxda ay deriska yihiin lix saacadood iyo 45 daqiiqo.Everton
>- Kani waa kulankii ugu horreeyey oo horyaalka ah ee Merseyside Derby, kaasoo dhacaya iyadoo Everton ay hoggaanka u hayso horyaalka tan iyo bishii September sanadkii 1989-kii.
>- Toffees ayaa guuleysatay todobadeedii kulan ee furitaanka tartammada oo dhan, markeedii ugu horreysay tan iyo kal ciyaareedkii 1894-95.
>- Everton ayaa guuleysan karta shan kulan oo xiriir ah horyaalka Premier League markii ugu horreysay tan iyo todobo kulan oo xiriir ah oo ay adkaadeen intii u dhexeysay bilihii Maarso iyo Abril ee sanadkii 2014-kii.
>- 13 gool oo horyaalka ah ayaa lagu dhaliyay kaliya labo kulan oo ka dhacay garoonka Goodison Park xilli ciyaareedkan.
>- Waxa ay dhaliyeen 11 gool 12-koodii kulan ee ugu dambeeyey oo ay garoonkooda ku ciyaareen kulammada horyaalka, marka laga reebo barbarihii goolal la’aanta ahaa ee ay la galeen Liverpool bishii June.
>- Dominic Calvert-Lewin ayaa dhaliyey sagaal gool lixdiisii kulan ee uu u ciyaaray kooxda Everton tartammada oo dhan xilli ciyaareedkan, mana jiro ciyaaryahan ka ciyaara shanta horyaal ee ugu caansan Yurub ee dhaliyay goolal ka badan inta uu dhaliyey xiddigan.
>- Calvert-Lewin ayaa noqon kara ciyaaryahankii ugu horreeyey ee kooxda Everton, kaasoo gool dhaliya shantiisa kulan ee ugu horreeya horyaalka tan iyo Tommy Lawton oo sidaas oo kale hore u sameeyey fasal ciyaareedkii 1938-39.
>- James Rodriguez ayaa gacan ka geystay lix gool shantiisii kulan oo uu u ciyaaray tartammada oo dhan, waxana uu u dhaliyey Toffees saddex gool, isagoo u sameeyey saddex caawin.
>- Kooxaha uu maamulo macallin Carlo Ancelotti ayaa shabaqooda gool ka ilaashaday shan ka mid ah lixdoodii kulan ee tartan rasmi ah ay garoonkooda ku soo dhoweeyeen oo ay wajaheen Liverpool, waxaana uu ka haystaa afar guul, hal barbaro iyo hal guuldarro.Liverpool
>- Liverpool ayaa khasaaro la kulantay afar ka mid ah siddeedeedii kulan ee ay marti ahaayeen kulammada horyaalka, waana in ka badan inta ay la kulmeen 46 kulan oo markaas ka hor ay horyaalka ku soo ciyaareen meel ka baxsan garoonkeeda.
>- Reds ayaa la kulmi karta guuldarrooyin xiriir ah horyaalka Premier League markii ugu horreysay tan iyo bishii Sebtember ee sanadkii 2015.
>- Liverpool ayaa guuldarrooyin la kulantay horyaalka sanadkan 2020, waana in ka badan inta khasaaro oo ay la kulmeen marka la isku daro sanadihii 2018 iyo 2019.
>- Markii ugu dambeysay oo Reds laga dhaliyo 11 gool afar kulan oo ay ciyaareen waxa ay dib ugu laabanaysaa fasal ciayareedkii 1937-38.
>- Liverpool ayaa dhaliyey 23 gool tan yo bishii June markii dib loo bilaabay horyaalka Premier League, kaliya Crystal Palace oo 25 gool laga dhaliyey iyo Brighton oo 24 gool loogu shubay ayaa ka badan tan iyo waqtigaas.
>- Lixdii kulan ee ugu dambeeyay oo ay ciyaareen horyaalka Liverpool waxay dhaliyeen 34 gool.
>- Mohamed Salah ayaa dhaliyey 99 gool 158 kulan oo uu u ciyaaray Liverpool tartammada oo dhan, waxaana uu eegayaa inuu noqdo ciyaaryahankii 17-aad ee gaarta 100 gool ama boqol gool u dhaliya kooxdan.
>- Adrian ayaa shan qalad oo uu sameeyey goolal looga dhaliyey oo ay ka faa’iideysteen kooxaha ka soo horjeeda 21 kulan oo uu tartammada oo dhan u ciyaaray Liverpool.
>- Klopp waa guuldarro la’aan unbeaten 11-kiisii kulan ee uu ciyaaray kulammada Merseyside derbies isagoo macallin u ah Liverpool tartammada oo dhan, waxaana uu kulankan la kulmay 7 guul iyo 4 barbaro.Shaxda Macquulka ah ee labada kooxood:-Gool FM.
Tababare Ronald Koeman oo si RASMI ah u shaaciyey liiska xiddigaha Kooxdiisa Barcelona uga qeyb galaya kulanka Getafe
Friday, October 16, 2020 - 20:13
(Barcelona) 16 Okt 2020. Tababaraha Barcelona ee Ronald Koeman ayaa ku dhawaaqay liiska xiddigaha kooxdiisa ee uga qeyb galaya kulanka ay habeen dambe ku booqan doonaan  horyaalka La Liga, naadiga Getafe.
Barcelona ayaa habeen dambe ku booqan doonto kooxda kubadda cagta Getafe garoonkeeda Coliseum Alfonso Perez, waxaana liiska uu ku dhawaaqay macallin Koeman hoggaaminaya Lionel Messi.
Sidoo kale waxaa liiskan ka maqan xiddigaha kala ah Jordi Alba, Samuel Umtiti iyo goolhaaye Marc-Andre ter Stegen.
Halkaan hoose ka eeg liiska xiddigaha Barcelona ee uu ku dhawaaqay tababare Ronald Koeman:-Gool FM.
Cristiano Ronaldo oo u jawaabaya Wasiirka Ciyaaraha ee Talyaaniga
Friday, October 16, 2020 - 18:09
(Turin) 16 Okt 2020. Weeraryahanka kooxda kubadda cagta Juventus ee Cristiano Ronaldo ayaa ka jawaabay eedeymaha wasiirka isboortiga Talyaaniga ee Vincenzo Spadafora.
Wasiirka isboortiga Talyaaniga ee Vincenzo Spadafora ayaa sheegay in Cristiano Ronaldo uu jabiyay borotokoolkii caafimaadka, kaddib markii uu ka dhoofay dalka si uu u aado Portugal.
Weeraryahanka Kooxda kubadda cagta Juventus ee Cristiano Ronaldo ayaa la xaqiijiyey in laga helay Korona Fayras, inta uu ku sugnaa xerada tababarka ee xulkiisa qaranka Portugal oo ku gudi jiray diyaargarowga kulamada tartanka UEFA Nations League.
Cristiano Ronaldo ayaa fariin uu ku soo qoray  boggiisa rasmiga ah ee Instagram-ka, wuxuu ku sheegay:
“Qoyskeygu waxay ku sugan yihiin dabaq kale oo guriga ah. Lama xiriiri karno, mar walbana waxaan joogaa guriga si aan maalmaha u dhaafo. Waan ixtiraamayaa borotokoolka mana aanan ku xadgudbin waa been”.
“Waxaan ka soo laabtay dalka Portugal, sababtoo ah aniga iyo kooxdeyduba waxaan doonaynaa in aan u hoggaansano dhamaan nidaamka, waxaana ugu soo laabtay Talyaaniga anbalaas diyaaradeed, mana jirto cid aan la soo xidhiidhay xitaa magaalada Turin”.
Cristiano Ronaldo wuxuu tallo ka bixiyay sida looga gudbi karo Korona Fayras, wuxuuna yiri:
“Fayraskan waa mid khatar ah, waxaana rabaa inaan ku soo laabto sida ugu fiican, waxa ugu muhiimsan waa inaan helo fitamiin D, iyo inaan fariisto qorraxda maadaama ay caawineyso habka difaaca jirka, iyo inaan helo heer sare oo oo fitamiin C ah iyo sidoo kale daawada Omega 3”.
“Waxaad ubaahantahay inaad si fiican wax u cuntid oo aad jimicsi sameysid oo aad socotid, markaas aad ayey muhiim u tahay inaad xoogaa hurdo hesho, nasiib ayaan leeyahay maxaa yeelay waxan sameeyaa habeen kasta, waxaan seexdaa 8 ilaa 9 saacadood maalintii, waa tan ugu fiican daaweynta”.
Cristiano Ronaldo ayaa hadalkiisa kusoo gabagabeeyay:
“Waxaas oo dhami waa lama huraan, marka lagu daro cunista cuntada iyo khudaar badan”.Gool FM.
Frank Lampard oo go’aamiyay xaallada Hakim Ziyech kahor kulanka Southampton
Friday, October 16, 2020 - 16:58
(London) 16 Okt 2020. Tababaraha Chelsea Frank Lampard ayaa go’aamiyay xaalada Hakim Ziyech kahor kulanka Southampton ay ku baddi ciyaari doonaan horyaalka Premier League.
Kooxda kubadda cagta Chelsea ayaa barri oo Sabti ah ku soo dhaweyn doonta garoonkeeda Stamford Bridge naadiga Southampton, si ay u wada ciyaaraan ciyaar qeyb ka ah kulamada Isbuuca shanaad horyaalka Premier League ee kal ciyaareedkan 2020/21.
Haddaba Frank Lampard ayaa shir jaraa’id uu ka soo muuqday kahor kulanka bari ee Southampton, wuxuu ku sheegay:
“Edouard Mendy ma ahan mid la heli karo, Thiago Silva safarka kaddib kuma jiro liiska, Ben Chilwell ayaa ku jira liiska kaddib markii uu ka soo kabsaday dhaawaciisii ​​hore”.
“Hakim Ziyech wuu joogaa, laakiin isagu uma qalmo inuu ciyaarta ku soo bilowdo, laakiin waxaan rajaynaynaa inuu daqiiqado helo”.
In goolhaaye goolhaayaha reer Spain ee Kepa Arrizabalaga uu ku soo bilaaban doono kulankan iyo inkale maadaama uu Edouard Mendy dhaawac ku maqan yahay ayaa wuxuu yiri tababare Lampard:
“Aniga ayaa go’aankaan qaadan doonaa berry”.
Tababaraha Chelsea Frank Lampard ayaa wuxuu hadalkiisa ku soo gabagabeeyay:
“Waxaa na horyaalla howlo badan, waxaa jira kooxo muujiyay inta ay qaadanayso in loo beddelo koox heer sare ah, waxaan ku jirnaa bilowgii safarkayaga. Shaqadu way bilaabatay, laakiin way sii socotaa”.Gool FM.